SHINGRAN 20:3 - Jinghpaw Common Language Bible 2009

³ Dai lamu kasa gaw, baren numraw hpe sung htum ai nhkun kata de jahkrat bang da nhtawm, dai shara hpe la da nna shaning hkying mi hpring ai du hkra masha amyu baw ni hpe n hkalem u ga, dazik dawk shakap da wu ai. Shaning hkying mi hpring ai ten hta jahkring mi raw dat na rai nga ai.

Jinghpaw Hanson Version Bible

³ dai shaning hkying mi garai n lai ai laman e, masha amyu baw ni hpe n hkalem kau lu u ga, dai sung htum ai shara kata de shi hpe jahkrat bang da nna, dai shara hpe la da ai hte de a ntsa e dazik shakap da wu ai: dai shaning hkying mi lai jang, ladaw mi sha shi hpe naw raw dat na rai nga ai.

SHINGRAN 20:3 ပူးပေါင်းရင်းမြစ်များ

SHAKAWN KUNGDAWN 90:4

Na a matu shaning hkying mi gaw lani mi zawn rai nga nna; dai ni gaw lai mat wa sai mani na nhtoi hte kadun la ai shana na ahkying aten zawn rai nga ai.

Daniela 6:17

Nhkun mahka kaw nlung langai hte pat da nhtawm Daniela hpe kadai mung n hkye mawai la lu hkra nga, hkawhkam wa a dazik hte du magam ni a dazik hpe nlung ntsa hta dawk da ya wu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 27:66

Dai rai nna shanhte lup de sa wa nna dai chyinghka pat da ai lungbyen hpe dazik dawk ai hte lup hpe malawm magawm di nna pat da nhtawm, sin langa ni hpe sin shangun mu ai.

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

LUKA 8:31

Nat ni mung, shanhte hpe sung htum ai shara de n gawt bang kau na shi kaw hpyi ma ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 20:1

Dai hpang, lamu kasa langai mi gaw, sung htum ai nhkun a sumsaw hpe mung, grai li ai hpri sumri langai mi hpe mung, shi a lata hta lang let sumsing lamu de nna yu hkrat wa ai hpe, ngai mu nngai.