SHINGRAN 20:10 - Jinghpaw Common Language Bible 2009

¹⁰ Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

Jinghpaw Hanson Version Bible

¹⁰ Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:10 ပူးပေါင်းရင်းမြစ်များ

Daniela 7:11

Ngai mada yu nga yang, shakawng shakat gumrawng ai nrung kaji a nsen hpe ngai naw na lu nngai. Ngai mada azi yu nga yang, mali ngu na matse labye dusat gaw sat kau ai hkrum nga ai; de a ashan hpe wan mang kata de kabai bang ai hte jahten kau nga ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 20:8

Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.