SHINGRAN 2:7 - Jinghpaw Common Language Bible 2009

⁷ “Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

Jinghpaw Hanson Version Bible

⁷ Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 2:7 ပူးပေါင်းရင်းမြစ်များ

NINGPAWT NINGHPANG 2:9

Dai sun hta tsit lali tsawm ai hpun amyu myu hpe shi tu shangun ai hte dai hta ja kat ai asi ni hpe mung si shangun nga ai. Dai sun a ka-ang e, asak jahkrung ya ai hpun hte kaja ai hte n kaja ai lam mahkra hpe chye ginhka shangun ai hpun mung tu nga ai.

GA SHAGAWP 11:30

Ding man ai lam gaw asak hpe jaw ya lu tim, kashun kashe du daw sai hkaw amu gaw dai hpe dawm kau ya nga ai.

GA SHAGAWP 13:12

Myit mada ai lam htum mat yang, myit masin shadaw kau ai hkrum nga ai; myit mada ai hte maren, byin wa ai shaloi, nang hpe kabu gara ai myit hte jahpring ya nga ai.

GA SHAGAWP 15:4

Matsan dum lama ai ga gaw asak rai nga ai, mazut ai ga gaw na a wenyi hpe gawng sharun ya nga ai.

GA SHAGAWP 3:18

Hpaji byeng-ya chye chyang ai ni gaw a lu ma ai; hpaji byeng-ya gaw shanhte hpe asak jaw ya na ra ai.

EZEKELA 28:13

Nang gaw Karai Kasang a sun ngu ai Eden hta nga nga ndai; lung seng amyu shagu ngu ai lung seng hkyeng ni, sein lung seng ni, utahpaya, myek-yoi, chyawng, nagahtoi, nila, mya hte patamya ni hpe ja hta hkrep nna mawn sumli da nga ndai. Nang gaw aja shakya rai ni lu nga ndai. Dai ni hpe nang hpan da hkrum ai shani hta nan, na a matu lajang da nga sai.

EZEKELA 31:8

Karai Kasang a sun hta tu ai arit hpun gaw dai hte shabung lu nga ai n rai. Marau hpun hta dai zawn re ai lakung lakying ni galoi n nga nga ai, Pri tsawm ai hpun gaw shi a daw chyen daram pyi n rai nga ai. Karai Kasang a sun hta tu ai hpun pyi dai zawn grai tsawm htap lu ai n rai.

MAHTE 11:15

Na tu ai wa gaw na la u ga!

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

MAHTE 13:9

“Na tu ai wa gaw na la u ga!,” nga nna ga hpungdim wu ai.

MARKU 4:9

Bai shi gaw, “Madat mu, na la na na tu ai wa gaw na la u ga,” ngu nna tsun hpungdim wu ai.

MARKU 7:15

Masha a shinggan maga de nna shi a kata de shang wa nhtawm masha hte nawku htung tara hku nna n san n seng awu asin di kau lu ai arai hpa mung n nga ai.”

MARKU 7:16

(Na tu ai wa gaw na la u ga, ngu nna tsun mu ai.)

LUKA 23:43

Shaloi Yesu gaw, “Ngai nang hpe teng teng tsun de ga, dai ni jang, ngai hte rau Hparadisu e nga lu na ndai ngu nna ngai ga sadi jaw de ai,” ngu nna shi hpe htan wu ai.

LUKA 8:8

Nkau mi gaw ga sau kaja ai ga hta hkrat ai rai nna, tu kaba wa jang, htam latsa si mayat wa ai,” ngu wu ai. Shing rai Yesu gaw, “Na la na na tu ai wa gaw na la u ga!” nga nna jahtau tsun ai hte ga hpungdim wu ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

2 KORINHTU 12:4

Shi gaw dai yang e, shinggyim masha a ga hkum ni hte n mai tsun ai, masha a n-gup hte tsun na ahkang n nga ai ga ni hpe na la wu ai.

1 YAWHAN 2:13

Ji wa ni e, shawng npawt kaw nna nga nga ai wa hpe nanhte chye nga myit dai majaw, ngai nanhte hpang de ka dat nngai. Shabrang ni e, dai n hkru ai nat Satan wa hpe nanhte dang kau myit dai majaw, ngai nanhte hpang de laika ka dat nngai.

SHINGRAN 13:9

“Na tu ai wa gaw na la u ga!

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.

SHINGRAN 15:2

Dai hpang wan hte kayau ai pat nawng zawn re ai arai langai mi hpe ngai mu nngai. Dai matse labye hte shi a hkrang sumla hpe mung, hti hkum hku mying masat da ai wa hpe mung, dang kau ai ni hpe mung, ngai mu nngai. Shanhte gaw Karai Kasang jaw ai tingse ni hpe lang let dai pat nawng makau e tsap nga ma ai.

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

SHINGRAN 22:2

Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.