SHINGRAN 2:3 - Jinghpaw Common Language Bible 2009

³ Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.

Jinghpaw Hanson Version Bible

³ Nang shakut sharang nga nna, nye a amying nsang a matu mara tsin-yam tsindam hkam ai hte, nang n hki n ba nga ndai.

SHINGRAN 2:3 ပူးပေါင်းရင်းမြစ်များ

SHAKAWN KUNGDAWN 37:7

Dai Madu a man e amu sha nga nga nna shi shabyin ya na lam hpe ala nga u; n hkru n shawp ai ni a yaw shada ai lam ni hta awng dang wa nna, ngamu ngamai wa ai ni hpe hkum yu tsang nga et.

SHAKAWN KUNGDAWN 69:7

Na a jaw e, ngai n kaw n law re ai hkrum sha nga nngai; ngai gaw kaya kahpa hte ka-up da ai hkrum nga ni ai.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

MARKU 15:21

Lam e rai nga yang, shanhte gaw Kureni mung masha, Alexandru yan Ruhpu a kawa, Simun ngu ai wa hte hkrum ma yang, hpyen la ni gaw shi hpe adip arip di nna Yesu a wudang hpai shangun mu ai.

LUKA 14:27

Kadai mung tinang a wudang hpai let, nye a hpang n hkan ai wa gaw, nye a sape n tai lu ai.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

LUKA 21:19

Nanhte gaw dakring dalang rai ngang ngang tsap nga mu, shaloi nanhte hkye hkrang la ai hkrum na marin dai.

LUKA 5:5

Simun gaw, “Madu e, mana tup anhte shakut ga timung, hpa mung n lu gaw ai; rai ti mung, na a ga majaw, ngai sumgawn jahkrat na we ai,” ngu nna htan wu ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

ROMA 16:12

Dai Madu a bungli gun hpai ai Truhpena hte Truhpawsa yan hpe shakram ya mi. Dai Madu a matu amu grai galaw shakut shaja ai tsaw ra ai Persi hpe shakram ya mi.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 8:25

Rai ti mung n mu lu ai mahtang hpe myit mada nga ga yang gaw, dai hpe anhte hkam sharang ai hte ala nga ga ai.

1 KORINHTU 13:7

Tsaw ra ai myit gaw galoi mung asum n hkam ai, galoi mung kam sham nga ai, galoi mung myit mada nga ai, galoi mung hkam sharang nga ai.

1 KORINHTU 16:16

Hpu nau ni e, shing re ai ni a woi awn ai lam hpe mung, shanhte hte rau shingdep shingtau nna amu bungli galaw daw jau nga ai ni a woi awn ai hpe mung, hkap la hkan sa na matu, nanhte hpe ngai hpyi nem dat made ai.

2 KORINHTU 10:15

Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

2 KORINHTU 5:9

Dai rai nna anhte gaw, nang e nga ai hkum hkrang nta hta shanu nga yang rai ti mung, htawra kaw shanu nga yang rai ti mung, shi hpe sharawng awng shangun na gaw kaga yawng mayawng hta grau ahkyak ai amu rai nga mali ai.

2 KORINHTU 6:5

Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

GALATI 6:2

Nanhte shada da a lit ni hpe gun hpai shingtau ai hte Hkristu a tara hpe shatup nga mu.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

1 HTESALONI 5:12

Hpu nau ni e, nanhte kaw magam gun hpai nga ai ni, nanhte hpe lam madun sharin achyin na matu Karai Kasang e lata san da sai ni hpe atsawm sha galaw ang ai hte maren hkungga lara nga mu, grau nna anhte shadut jahkat dat ga ai.

2 HTESALONI 3:13

Rai ti mung hpu nau ni e, nanhte mai kaja ai amu galaw na hkum hki ba dum nga myit.

2 HTESALONI 3:5

Nanhte gaw Karai Kasang a tsaw ra myit hpe grau nna chye na wa na matu hte, Hkristu jaw ai hkam sharang ai myit hpe grau chye na wa na matu mung, dai Madu gaw nanhte hpe woi awn nga u ga.

2 HTESALONI 3:8

Anhte gaw jahpu manu n jaw ai gade a lusha hpe mung n la sha ga ai. De a malai, nanhte kadai hpe mung lit n shali u ga, anhte shani shana salu salat hte amu bungli galaw lai wa saga ai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

HEBRE 10:36

Karai Kasang a myit ra ai lam hkan galaw na hte, shi a ga sadi ni hte maren akyu hkam la lu hkra nanhte myit galu kaba hkam sharang ra nga myit dai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

HEBRE 6:12

Anhte gaw nanhte hpe lagawn ai ni n tai shangun mayu ga ai. Rai ti mung, kam sham ai hte myit galu kaba ai ni tai let Karai Kasang jaw ya sai sali wunli hkam la ai ni zawn nanhte hpe tai wa shangun mayu ga ai.

HEBRE 6:15

Abraham gaw hkam sharang ai hte ala nga ai majaw Karai Kasang a ga sadi hte seng ai sali wunli hpe hkam la nu ai.

2 PETRU 1:6

Chye chyang ai lam hta tinang a hkum hpe hkang ai, tinang a hkum hpe hkang ai hta hkam sharang ai, hkam sharang ai hta tara hkungga ai lam,

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.