SHINGRAN 2:23 - Jinghpaw Common Language Bible 2009

²³ Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

Jinghpaw Hanson Version Bible

²³ Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

SHINGRAN 2:23 ပူးပေါင်းရင်းမြစ်များ

1 HKAWHKAM LABAU 17:18

Ngai gaw nang hpe hpa wa mi naw jat tsun lu na rai ta? Nang gaw ngai hpe atsawm sha chye nga ndai majaw na a shangun ma wa ngai hpe nang shagrau sha-a da nga ndai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

2 HKAWHKAM LABAU 6:30

shanhte a akyu hpyi ga hpe na ya u. Sumsing lamu na na a nta hta shanhte a ga hpe madat ya nna shanhte a mara dat ya u law. Nang chyu sha shinggyim masha a myit masin kata na myit mang ai lam ni hpe chye ya nga ndai. Langai hte langai tinang galaw ai amu hte maren hkam la shangun mi law;

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 139:1

Madu e, nang ngai hpe manaw yu nna chye nga ndai.

SHAKAWN KUNGDAWN 26:2

Madu e, ngai hpe dinglik yu nna chyam yu et, nye a myit ra ai lam ni hte myit sawn ai lam hpe san jep ya e.

SHAKAWN KUNGDAWN 44:21

anhte a kraw kata e makoi da ai myit sawn lam ni hpe nang chye ya nga ndai majaw; nang dai lam hpe teng teng mu chye kau na ndai.

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

SHAKAWN KUNGDAWN 7:9

Nang gaw ding hpring ai Karai Kasang rai nga ndai rai nna, anhte a myit mang ai lam hte ra sharawng ai lam ni hpe jeyang ya nga ndai. N hkru ai masha ni a tara n lang ai lam hpe jahkring kau nna, mai kaja ai masha ni hpe shagrau kumhpa jaw ya nga ndai.

YEREMIA 11:20

Dai hpang, ngai gaw, “Chyahtum Chyalai N-gun Rawng ai Madu e, nang gaw teng man ai tara agyi wa rai nga ndai; nang gaw amyu masha ni a myit mang lam ni hte hkam sha lam ni hpe chyam dinglik yu nga ndai. Ngai gaw nye a amu na a lata hta tawn da ni ai; ndai amyu masha ni hpe nang matai dawp ai hpe ngai sin yu nga n-ga,” ngu nna hpyi nem we ai.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 20:12

Rai ti mung, Chyahtum Chyalai N-gun Rawng ai Madu e, nang gaw amyu masha ni hpe teng man ai hku chyam dinglik yu nga ndai; shanhte a myit masin hte kraw lawang ni hta hpa baw rawng nga ai hpe nang chye nga ndai. Dai rai nna, na a lata hta nye a amu ap da ni ai majaw, nye a gumlau hpyen ni hpe nang matai dawp na lam ngai mu lu n-ga law.

ZEHPANI 1:11

Hpaga ga ai masha ni yawng si htum mat ma sai majaw, mare a lawu maga de nga ai nanhte gaw dai lam na ai shaloi, hkrap shabam nga myit dai!

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

YAWHAN 4:16

Yesu gaw, “Na a madu wa hpe naw wa shaga la nna, nang de sa rit,” ngu wu ai.

KASA 1:24

Dai hpang shanhte gaw, “Madu e, nang gaw yawng mayawng a myit masin hpe chye ya nga ndai. Yuda gaw shi hte seng ai kasa aya hpe kau tawn da nu ai.

ROMA 14:12

Dai rai nna, anhte langai hte langai tinang dai tinang a lam jahpan Karai Kasang kaw dan na raga ai.

ROMA 8:27

Anhte a kraw lawang ni hpe sawk yu nna mu chye ya nga ai Karai Kasang chyawm gaw Wenyi a myit hpa rai nga ai gaw chye ya nga ai; hpa majaw nga yang, dai Wenyi gaw Karai Kasang myit ra ai lam hte maren shi a amyu masha ni a matu mara Karai Kasang kaw hpyi htinglu ya nga ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

GALATI 6:5

Hpa majaw nga yang, langai hte langai gaw tinang a lit gun hpai shajang na rai nga ai.

TARA JAHPRANG 13:11

Dai hpang Israela amyu masha ni yawng dai zawn byin ai lam hpe na wa nhtawm hkrit gari ai hte dai zawn re ai n hkru ai amu, htawm hpang de kadai mung bai galaw wam na ma ai n rai.

TARA JAHPRANG 17:13

Shaloi dai shi na ai masha shagu hkrit gari nhtawm shing re ai amu hpe kadai mung galaw gwi na mara ai n rai.

TARA JAHPRANG 19:20

Dai hpang masha shagu mung dai lam hpe na wa nna hkrit ai hte kadai mung dai zawn re ai n hkru n shawp ai amu hpe bai galaw shapraw na mara ai n rai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)

SHINGRAN 20:13

Dai hpang, panglai gaw tinang hta rawng ai masha chyasi ni hpe bai dat ya wu ai. Si hkrung si htan hte si ai ni nga ai katsan ga mung, shanhte hta rawng ai masha chyasi ni hpe bai dat ya mu ai. Shanhte gaw tinang galaw lai wa sai arawn alai hte maren, tara daw dan ai hkrum ma ai.

SHINGRAN 22:12

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.

SHINGRAN 6:8

Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.