SHINGRAN 2:20 - Jinghpaw Common Language Bible 2009

²⁰ Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.

Jinghpaw Hanson Version Bible

²⁰ Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.

SHINGRAN 2:20 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

1 HKAWHKAM 17:13

Elia gaw shi hpe, “Hkum tsang et; shawng wa magang nna na a shahpa wa lajang shachyip magang su. Rai ti mung nang lu malu hta na muk kaji mi shawng galaw nna ngai hpe la sa jaw e, dai hpang na a matu hte na a shadang sha a matu dai naw ngam ai hte hkyen la u.

1 HKAWHKAM 17:4

Dai hka shi gaw nang lu na hka ntsin jaw ya na ra ai; ngai hkang da ni ai hte maren uhka ni mung dai yang e nang hpe shahpa la sa ya na mara ai,” ngu nna tsun wu ai.

2 HKAWHKAM 9:22

Yoram gaw, “Nang gaw ngwi pyaw sim sa ai hte du sa wa nga n ni?,” ngu nna hkap san wu ai. Yehu gaw, “Na nnu Yezebela galaw hpang dat ai hpyi lamum shung sha ai hte hpara sumla nawku ai lai ni yawng nde wa anhte kaw naw nga nga ai rai yang, ngwi pyaw sim sa lam kaning rai lu la mai na rai nga a ta?,” ngu nna htan wu ai.

2 HKAWHKAM 9:7

Ahab a kasha rai nga ai na a madu hkawhkam wa hpe nang sat kau na rai ndai; shing rai ngai gaw nye a myihtoi ni hte kaga shangun ma ni hpe sat sharu kau ya ai Yezebela hpe ari jaw na we ai.

PRU MAT 34:15

Dai mung na masha ni hte jinghku ga shaka hkum tawn da myit; shanhte mahtang tara maigan hpara ni hpe nawku nna dai ni hpe hkungga nawng jau ma ai majaw shanhte hte kanawn na matu, nanhte hpe saw shaga ai hte shanhte a hpara ni hpe nawng jau ya ai lusha hte lau la ai hkrum na rai myit dai.

EZEKELA 13:17

Dai Madu gaw, “Ya chyawm gaw, si chye ai masha wa e, na a amyu masha ni hta e shanhte a myit ra ai hku hkan nna myihtoi htoi ai num ni hpe yu yu u. Shanhte hpe ninghkap let daru u,

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

1 KORINHTU 10:28

Rai ti mung, marai langai ngai, “Ndai gaw hpara ni hpe nawng jau ai hkungga shan rai nga ai,” nga nna nanhte hpe tsun dan myit yang gaw, dai wa a matu hte ung ang ai myit a matu tau yu nna dai hpe hkum sha mu.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:4

Rai ti mung ya nang ngai hpe shawng de na zawn n tsaw ra mat nit dai majaw, nang hta mara shagun shara ngai mu nngai.