SHINGRAN 19:8 - Jinghpaw Common Language Bible 2009

⁸ hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

Jinghpaw Hanson Version Bible

⁸ hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 19:8 ပူးပေါင်းရင်းမြစ်များ

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

GA SHAGAWP 31:22

Shi gaw yup ra panep nep da ai hte hkyeng sawm nsam pru nna tsawm ai lachyit sumpan hte hpun sumli da nga ai.

ESAIA 3:23

shanhte a kata palawng ni, lachyit hpajet du gyit sumpan hte shanhte a baw ni hpe magap ai za sumpan galu ni hpe la kabai kau ya ai nhtoi du wa na ra ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

EZEKELA 16:10

Ngai gaw nang hpe maka ka ai hpun palawng ni hpe jahpun nna, kaja htum ai shanhpyi hkyepdin shadin nngai. Lachyit sumpan bunghkaw hte hkaw ya nna, lai hte da ai hpun palawng jahpun nngai.

EZEKELA 44:17

Shanhte gaw Nawku Htingnu a kata wang chyinghka lam de shang ai shaloi, lachyit hpun palawng bu hpun ra nga ma ai. Shanhte gaw kata wang hta amu galaw ai shaloi, sagu mun hte da ai hpun palawng bu hpun lu na n rai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

MAHTE 22:12

Dai rai nna shi gaw, ‘Jinghku wa e, hkungran poi sa ai hpun palawng n bu n hpun ai mi, nang kaning rai nang de shang lu n ta?,’ ngu nna san wu ai. Rai ti mung dai masha chyawm gaw n chye htan ai hte atsin sha rai nga ai.

MARKU 9:3

shi a hpun palawng gaw kabrim kabram wa nna nachying hpraw tu wa lu ai, ndai daram hpraw tu hkra ga ntsa na sumpan chyaw ai kadai wa mung n di lu nga ai.

LUKA 24:4

Shing re ai majaw shanhte mau ung ang let tsap nga ma yang, akajawng sha tu kabrim ai bu hpun palawng bu hpun ai masha lahkawng shanhte a man e tsap nga ma ai.

KASA 1:10

Shi lung mat wa nna, shanhte lamu de naw azi yu nga ma yang hpraw tu ai hpun palawng bu hpun ai masha marai lahkawng shanhte a makau e akajawng sha sa tsap pru nna,

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 15:6

Dai nawku htingnu kaw na ana zinli sanit lang ai lamu kasa sanit pru sa wa ma ai; shanhte gaw htoi tu san pra ai lachyit sumpan hpun palawng bu hpun nna, tinang a sinda e ja shingkyit ni kyit da ma ai.

SHINGRAN 19:14

Sumsing lamu na hpyen luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.