SHINGRAN 19:5 - Jinghpaw Common Language Bible 2009

⁵ Bai, dai tingnyang kaw na ngoi pru ai nsen langai mi gaw, “Karai Kasang a shangun ma ni yawng hte, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law!,” nga nna tsun ai.

Jinghpaw Hanson Version Bible

⁵ Bai dai tingnyang kaw na nsen pru ai gaw, “Karai Kasang a shangun ma ni ngu ai, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law,” nga nna tsun ai.

SHINGRAN 19:5 ပူးပေါင်းရင်းမြစ်များ

SHAKAWN KUNGDAWN 115:13

Shi hpe shagrau sha-a ai masha shagu hta na, kaji ai kaba ai n nga, yawng hpe shaman ya na ra ai.

SHAKAWN KUNGDAWN 134:1

Shi a Nawku Htingnu kata hta, shana e nawku daw jau nga ai shangun ma ni yawng hte e, sa marit, dai Madu hpe shakawn ga.

SHAKAWN KUNGDAWN 135:1

Dai Madu hpe shakawn mu!

SHAKAWN KUNGDAWN 150:6

Nsoi nsa rawng ai ni yawng hte e, dai Madu hpe shakawn kungdawn nga mu! Dai Madu hpe shakawn mu!

SHAKAWN KUNGDAWN 22:23

“Madu a shangun ma ni e, shi hpe shakawn mu! Yaku a aru arat ni e, shi hpe shagrau sha-a nga mu! Israela amyu masha ni e, shi hpe nawku daw jau mu!

SHINGRAN 13:16

Dai matse labye gaw, shinggyim masha yawng mayawng kaji ai ni hte kaba ai ni, lu su ai hte matsan ai ni, mayam ni hte shanglawt ni hpe tinang a hkra lata ni hta shing n rai tinang a lahtan ni hta shi a masat dingsat hpe adip arip hku shakap shangun mu ai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.

SHINGRAN 19:18

Hkawhkam ni a ashan, gumra ni a ashan, gumra jawn ai ni a ashan, masha kaji kaba, shanglawt hte mayam ngu ai masha ni yawng a ashan hpe sha lu na marin dai,” nga nna nsen kaba hte jahtau wu ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu na ma ai hte, shi a nawku htingnu hta shani shana shi hpe nawku daw jau nga ma ai. Tingnyang hta dung nga ai wa mung, shanhte hte rau nga nga nna shanhte hpe makawp maga na ra ai.