SHINGRAN 19:19 - Jinghpaw Common Language Bible 2009

¹⁹ Dai hpang, dai matse labye mung, ga ntsa na hkawhkam ni hte, shanhte a hpyen luksuk ni mung, dai gumra jawn ai wa hte shi a hpyen luksuk ni hpe gasat na matu zuphpawng nga ma ai hpe ngai mu nngai.

Jinghpaw Hanson Version Bible

¹⁹ Dai rai nna, dai matse labye mung, ga ntsa na hkawhkam ni hte shanhte a luksuk ni mung, dai gumra jawn ai wa hte shi a luksuk ni hpe majan gasat na matu zuphpawng nga ma ai gaw, ngai mu nngai.

SHINGRAN 19:19 ပူးပေါင်းရင်းမြစ်များ

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

SHINGRAN 11:7

Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

SHINGRAN 14:9

Bai, masum ngu na lamu kasa gaw, shawng na lahkawng a hpang e dan pru nna, “Dai matse labye hte de a hkrang sumla hpe nawku nna, tinang a lahtan hta shing n rai, tinang a lata hta masat dingsat shakap la ai kadai mung,

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 16:16

Dai nat wenyi ni gaw hkawhkam ni hpe, Hebre ga hku Armagedon ngu ai shara de shaga jahpawng da mu ai.

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.

SHINGRAN 19:21

Shanhte a hpyen luksuk ni hpe gaw, gumra jawn ai wa a n-gup hta na pru ai ntawng nhtu hte sat kau ai hkrum ma ai rai nna, u ni mahkra gaw shanhte a ashan hpe shanhte sha lu ai daram hkru hkru kat kat sha ma ai.