SHINGRAN 19:13 - Jinghpaw Common Language Bible 2009

¹³ Asai galwi tawn ai palawng shi bu hpun nna, shi a mying gaw, “Karai Kasang a Mungga,” nga nna mying nga ai.

Jinghpaw Hanson Version Bible

¹³ Asai lapri bun ai hpun palawng shi bu hpun nna, shi a amying gaw, Karai Kasang a Mungga, nga nna mying nga ai.

SHINGRAN 19:13 ပူးပေါင်းရင်းမြစ်များ

SHAKAWN KUNGDAWN 58:10

Ding hpring ai ni gaw mara kap ai ni ari jaw hkrum ai hpe mu ai shaloi, kabu gara na mara ai; shanhte gaw tara n lang ai ni a asai hku kabye lai mat wa na mara ai.

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai, dai Mungga nan Karai Kasang rai nga ai. Shi gaw Karai Kasang hte maren rai nga ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.

1 YAWHAN 5:7

Sakse masum nga nga ai.

SHINGRAN 14:20

Sabyi si ni hpe mare shinggan e sabyi htumbyen hta kabye shup nna, dai hta na sai lwi pru wa ai gaw, galu de mai lahkawng tsa, sung de pe manga daram ganoi rai nga ai.