SHINGRAN 19:1 - Jinghpaw Common Language Bible 2009

¹ Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

Jinghpaw Hanson Version Bible

¹ Dai hte a hpang e sumsing lamu kata e wunawng wuwa law law a wu ai nsen kaba gaw, “Haleluya: Hkye hkrang la ai lam, hpung shingkang hte n-gun atsam gaw anhte a Karai Kasang hte seng nga ai:

SHINGRAN 19:1 ပူးပေါင်းရင်းမြစ်များ

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

SHAKAWN KUNGDAWN 104:35

Yubak kap ai ni dinghta ga kaw nna shamyit kau ai hkrum nga mu ga; tara n lang ai ni hkoi mat mu ga. Nye a wenyi e, dai Madu hpe shakawn u! Dai Madu hpe shakawn nga u law!

SHAKAWN KUNGDAWN 106:1

Dai Madu hpe shakawn nga mu! Shi mai kaja nga ai majaw, dai Madu hpe chyeju dum mu; shi a tsaw ra myit mung htani htana prat ting agrin nga ai.

SHAKAWN KUNGDAWN 111:1

Dai Madu hpe shakawn mu! Ngai gaw nye a myit masin mahkra hte shi a amyu masha ni a hpawng hta, dai Madu hpe chyeju shakawn nga na nngai.

SHAKAWN KUNGDAWN 115:18

Rai ti mung, asak hkrung nga ai anhte ni chyawm gaw ya kaw nna, htani htana prat dingsa du hkra, shi hpe chyeju dum shakawn kungdawn nga na ga ai. Dai Madu hpe shakawn mu!

SHAKAWN KUNGDAWN 146:1

Dai Madu hpe shakawn mu! Nye a wenyi e, dai Madu hpe shakawn kungdawn nga u!

SHAKAWN KUNGDAWN 148:1

Dai Madu hpe shakawn mu! Tsaw htum ai shara hta nga nga ai ni e, sumsing lamu na dai Madu hpe shakawn mu!

SHAKAWN KUNGDAWN 149:1

Dai Madu hpe shakawn mu! Dai Madu hpe mahkawn ga nnan hte mahkawn mu; shi a kangka ai amyu masha ni a hpawng hta, shi hpe shakawn mu!

SHAKAWN KUNGDAWN 150:1

Dai Madu hpe shakawn mu! Shi a Nawku Htingnu hta Karai Kasang hpe shakawn mu! Sumsing lamu hta shi a daru magam n-gun hpe shakawn mu!

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 62:11

Madu hta daru magam n-gun rawng nga ai hpe mung, shi a tsaw ra myit dinggrin rai nga ai hpe mung, Karai Kasang tsun ai ga dai hpe law law lang, ngai na ni ai.

YEREMIA 51:48

Dai mungdan hpe jahten kau na matu du yu wa ai dingdung maga de na masha ni a lata hta, Babelon mung hkrat sum mat ai shaloi, ginding aga hte sumsing lamu hta nga ai ngayawng ngapra mahkra hte gaw kabu gara ai hte jahtau garu na mara ai.

YONA 2:9

Rai ti mung, ngai chyawm gaw nang hpe mahkawn shakawn na nngai; ngai gaw nang hpe shagu hkungga nawng ya ai hte ngai ga sadi tawn da sai hte maren galaw na we ai. Hkye hkrang la ai lam gaw dai Madu kaw na du sa nga ai!”

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!