SHINGRAN 18:9 - Jinghpaw Common Language Bible 2009

⁹ Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.

Jinghpaw Hanson Version Bible

⁹ Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,

SHINGRAN 18:9 ပူးပေါင်းရင်းမြစ်များ

NINGPAWT NINGHPANG 19:28

Sodom hte Gomora mare ni hte kadit ting hpe shi mada yu wu yang, wan htung kaba kaw na pru ai wan hkut zawn ga kaw nna mawng lung nga ai hpe mu lu wu ai.

SHAKAWN KUNGDAWN 58:10

Ding hpring ai ni gaw mara kap ai ni ari jaw hkrum ai hpe mu ai shaloi, kabu gara na mara ai; shanhte gaw tara n lang ai ni a asai hku kabye lai mat wa na mara ai.

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

YEREMIA 50:40

Sodom hte Gomora, de a makau grup yin hkan na mare ni hpe ngai shamyit kau ai zawn, Babelon mung hta mung byin wa na ra ai. Kadai mung dai shara hta bai shanu nga na mara ai n rai. Dai Madu ngai nan tsun ni ai.

YEREMIA 50:46

Babelon hkrat sum mat ai shaloi, dai hkrat sum ai nsen gaw mungkan ga ting hpe ashun awam na ra ai, dai hkrit kajawng shangun ai shabam ai nsen hpe kaga amyu baw ni na lu na mara ai.”

YEREMIA 51:8

Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

EZEKELA 27:35

Panglai hkin-gau mayan hku shanu nga ai ni mung nang hta hkrum hkra ai lam a majaw, mau kajawng mat ma ai. Shanhte a hkawhkam ni pyi hkrit gari ai hte myi man ni hta nshung si ni hprwi rai ma ai.

Daniela 4:14

Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.

1 TIMOHTI 5:11

Rai ti mung asak naw kaji ai gaida jan ni hpe gaida jan jahpan hta n bang u ga, hpa majaw nga yang, shanhte a myit ra ai lam e shadut ai a jaw e hkungran mayu wa ai shaloi Hkristu kaw na htak mat wa chye ma ai.

SHINGRAN 14:11

Shanhte hpe nni nkri di zingri ai hta na wan hkut gaw, htani htana prat dingsa amawng lung nga ai. Dai matse labye hte shi a hkrang sumla hpe nawku ai ni hte, shi a mying a masat dingsat shakap hkam la ai ni yawng gaw, shani shana htingtsi hkyamsa ai lam lu la na ma ai n rai,” nga nna nsen kaba hte jahtau tsun ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 18:18

dai mare hpe hkru kau ai wan shinglet kaw na wan hkut hpe mu yang, shanhte gaw, “Galoi mung ndai mare daram galu kaba hkik hkam ai mare kaga mi n nga yu sai!,” nga nna jahtau ma ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.

SHINGRAN 19:3

Bai lang mi shanhte gaw, “Karai Kasang hpe shakawn kungdawn mu! Dai mare kaba hpe hkru kau ai wan shinglet ni hta na wan hkut gaw, htani htana prat dingsa amawng lung nga ai,” nga nna jahtau tsun ma ai.

SHINGRAN 2:22

Dai rai nna ngai shi hpe yup ra ntsa e kabai tawn na we ai rai nna, dai kaw shi hte rau num shaw la shaw ai amu galaw ai ni hte hpawn tsin-yam tsindam kaba hkrum sha na mara ai. Shanhte gaw dai numsha hte galaw ai n hkru n shawp amu hta na myit malai n lu ai rai yang, ngai ya jang shanhte hpe hkrithpa jam jau hkrum shangun na mawe ai.