SHINGRAN 18:8 - Jinghpaw Common Language Bible 2009

⁸ Dai lam a majaw, ari zinli ni, yawn hkyen ai lam ana zinli hte hku hku ai lam ni gaw, lani jan hta sha shi kaw du nna, wan hte nat shakrawp kau ai shi hkrum na ra ai. Hpa majaw nga yang, shi hpe tara jeyang daw dan ai Karai Kasang gaw, n-gun atsam kaba rawng nga ai,” nga nna tsun ai.

Jinghpaw Hanson Version Bible

⁸ Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”

SHINGRAN 18:8 ပူးပေါင်းရင်းမြစ်များ

YOBA 9:19

Ngai n-gun hking ang ai kun? Karai Kasang hpe n-gun shingjawng ang ai kun? Ngai shi hpe tara rung de woi sa ang ai kun? Kadai wa shi hpe sa shangun lu a ta?

SHAKAWN KUNGDAWN 62:11

Madu hta daru magam n-gun rawng nga ai hpe mung, shi a tsaw ra myit dinggrin rai nga ai hpe mung, Karai Kasang tsun ai ga dai hpe law law lang, ngai na ni ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 9:14

Dai Madu gaw lani mi hta sha Israela ningbaw ni hte amyu masha ni hpe ari jaw na ra ai; shi gaw shanhte hpe dan di ai hte abaw hte ningmai hpe kahtum daw kau na ra ai.

YEREMIA 50:31

“Babelon e, nang gaw gumrawng gumtawng ai myit hte hpring nga ndai majaw, Chyahtum Chyalai N-gun rawng ai Tsaw Htum ai dai Madu ngai nan nang hpe hkap daw na nngai! Nye a matu nang hpe ari jaw na aten gaw du nga sai.

YEREMIA 50:34

Rai ti mung, shanhte hpe hkye mawai la ai wa gaw n-gun rawng nga ai wa rai nna, shi a amying gaw Chyahtum Chyalai N-gun Rawng ai dai Madu rai nga ai. Shi hkum nan shanhte a amu hpe lit la nna, mungkan ga de ngwi pyaw sim sa lam jaw ya na ra ai, rai ti mung, Babelon masha ni hpang de gaw ru yak tsin-yam tsindam rai na ra ai,” ngu nna tsun ai.

YEREMIA 51:58

Chyalai n-gun rawng ai Babelon a bunghku ni ga de daw ru mat nna, de a tsaw ai chyinghka ni mung nat kau hkrum nga sai. Masha amyu baw ni a amu yawng gaw kaman lila rai nga ai; shanhte a shakut shaja ai gaw wan shinglet sha rai nga ai. Chyahtum Chyalai N-gun rawng ai dai Madu ngai nan tsun ni ai.”

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

SHINGRAN 11:17

“Ya prat e, htawm hpang prat e dinggrin anga nga ai chyahtum chyalai n-gun rawng ai Madu Karai Kasang e, Nang gaw, na a daru magam atsam hpe lang nna mungkan hpe up hkang nga nit dai majaw, anhte nang hpe chyeju shakawn ga ai law!

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.

SHINGRAN 17:18

“Nang mu ai numsha gaw, mungkan hkawhkam ni hpe up ai mare kaba rai nga ai,” nga nna ngai hpe tsun ai.

SHINGRAN 18:17

Hkying hkum mi laman hta sha, lu ai sut gan arung arai mahkra shi shamat kau nu hka!,” nga nna hkrap ngu hkrap ngoi sharung shayawt na mara ai. Sanghpaw li agyi ni nga manga hte dai hta jawn lawm ai bu hkawm masha ni yawng, sanghpaw li hta amu galaw ai masha ni hte, panglai hka lam hku tam lu tam sha kan bau nga ai hpaga masha ni yawng gaw, tsan tsan e tsap nga nna,

SHINGRAN 18:19

Shanhte gaw tinang a baw ni hta ga nhpu hte bun nna, “Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,” nga nna hkrap ngu hkrap ngoi ai hte sharung shayawt let jahtau ma ai.

SHINGRAN 19:3

Bai lang mi shanhte gaw, “Karai Kasang hpe shakawn kungdawn mu! Dai mare kaba hpe hkru kau ai wan shinglet ni hta na wan hkut gaw, htani htana prat dingsa amawng lung nga ai,” nga nna jahtau tsun ma ai.