SHINGRAN 18:6 - Jinghpaw Common Language Bible 2009

⁶ Shi nanhte hpe di ai hte maren shi hpe bai di htang mu; shi galaw ai lam yawng mayawng hte maren, htam lahkawng bai htang mu; nanhte a matu gawm hta shi kayau lajang ya ai luhpa hta htam lahkawng ja ai hku jahpring ya mu.

Jinghpaw Hanson Version Bible

⁶ Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

SHINGRAN 18:6 ပူးပေါင်းရင်းမြစ်များ

SHAKAWN KUNGDAWN 137:8

Babelon e, nang gaw jahten kau ai hkrum na rin dai. Anhte hpe nang galaw mi ai hte maren, nang hpe bai tai lu ai wa gaw a nga ai.

SHAKAWN KUNGDAWN 28:4

Shanhte hpa galaw sai lam hte shanhte shut hpyit kau sai n hkru n shawp ai amu a matu, shanhte hpe ari jaw u; shanhte a sat lawat yawng a matu shanhte hpe ari jaw u; shanhte hpe ang ai hte maren tai ya u!

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 61:7

Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

YEREMIA 17:18

Ngai hpe zingri zingrat ai ni hpe kaya kahpa jahkrum u, rai ti mung Madu e, ngai hpe ngam da e. Shanhte hpe hkrit hpa amu ni hte jahpring ya u; rai ti mung ngai hpe hkum jahkrit shama et. Shanhte a ntsa de tsin-yam tsindam du shangun nna shanhte hpe atsai awai agrawp kau u.

YEREMIA 50:15

Mare grup yin yawng hkan e majan nsen sharawt mu! Ya chyawm gaw Babelon mung hkrat sum mat sai. Shi a mare bunghku ni daw agrawp mat nna run mat nu ai. Ngai gaw Babelon masha ni hpe matai dawp nga nngai majaw, nanhte mung matai dawp la mu, shanhte gaw kaga ni hpe di kau mu ai hte maren, shanhte hpe mung di mu.

YEREMIA 50:29

“Babelon mung hpe gasat na matu, ndan gap ai ni hpe tsun mu. Ndan chye lang, pala chye gap ai masha shagu hpe shangun dat mu. Dai mare kata na masha langai mi mung n hprawng lawt lu hkra, wang shinggrup da mu. Ndai masha ni gaw Israela a Chyoi Pra ai Wa ngu ai ngai hpe gumrawng gumtawng ai arawn alai shapraw dan manu ai majaw shanhte galaw ai hte maren bai tai mu, kaga masha ni hpe shanhte pagawn para di mu ai hte maren shanhte hpe mung di mu.

YEREMIA 51:24

Dai Madu gaw, “Babelon mung hte de a mung masha ni gaw Yerusalem e shanhte galaw ai n hkru ai lam yawng a matu ngai matai htang na hpe nanhte mu na rai myit dai.

YEREMIA 51:49

Babelon gaw mungkan ga ntsa na masha amyu baw ni yawng a si hkrung si htan amu hpe woi shabyin nu ai; shi gaw Israela amyu masha law law a si hkrung si htan amu hpe mung shabyin nu ai majaw, ya gaw Babelon mung kadawng daw mat na ra ai. Dai Madu ngai nan tsun ni ai.

SHARUNG SHAYAWT 3:64

“O Madu e, shanhte galaw sai amu hte maren, shanhte hpe ari jaw u;

ZEHKARIA 9:12

Ya aten myit mada shara nga sai bawng dung masha ni e, nhtang wa marit; shim lum ai nanhte a shara de nhtang wa marit. Ya chyawm gaw, ngai nanhte hpe tsun made ga, nanhte hkrum sha manit dai nni nkri yawng a matu chyeju htam lahkawng bai htang jaw na made ai.

2 TIMOHTI 4:14

Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”

SHINGRAN 14:10

Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 17:4

Dai numsha gaw, hkyeng mang ai hte shaba pu nsam rawng ai bu hpun palawng bu hpun nna, hpu ging ai ja, lungseng, pale hte mawn sumli nga ai. Shi gaw shi a hpye ai amu a asi rai nga ai n san n seng matsat shabat lam hte hpring chyat re ai ja gawm, shi a lata hta lang da wu ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.