SHINGRAN 18:5 - Jinghpaw Common Language Bible 2009

⁵ Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.

Jinghpaw Hanson Version Bible

⁵ kaning rai nme law, shi a yubak lamu dep hkra law wa ai rai nna, Karai Kasang gaw shi a n ding n hpring ai lam ni hpe matsing da nu ai.

SHINGRAN 18:5 ပူးပေါင်းရင်းမြစ်များ

2 HKAWHKAM LABAU 28:9

Oded mying ai dai Madu a myihtoi langai mi gaw Samari mare e nga nga ai; dai wa gaw mare de shang wa na shara hta Yuda bawng masha ni hte rau nhtang wa ai Israela luksuk ni hte shi hkrum wu ai; shi gaw, “Dai Madu na a kaji kawa ni a Karai Kasang gaw Yuda ni hpe masin yu pawt ai majaw shanhte hpe awng dang shangun nga ai; rai ti mung ya chyawm gaw nanhte shanhte hpe grai n hkru ai hku sat kau manit dai lam hpe shi na nu ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

YEREMIA 51:9

Dai mung hta shanu nga ai maigan masha ni gaw, ‘Babelon hpe karum la na matu anhte shakut ga ti mung, dai gaw grai hpang hkrat mat sai. Ya chyawm gaw anhte tawn kau da nna tinang a buga dum nta de wa mat saga. Karai Kasang gaw shi a chyalai n-gun mahkra hte Babelon hpe ari jaw nu ai, dai mung hpe atsai awai shamyit kau nu ai,’” ngu nna tsun ma ai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.