SHINGRAN 18:23 - Jinghpaw Common Language Bible 2009

²³ Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”

Jinghpaw Hanson Version Bible

²³ pyengdin a ahtoi mung, nang hta htawm hpang galoi mung htoi tu lu na nrai; la nnan hte num ningnan a nsen mung, nang hta htawm hpang galoi mung na lu na n rai; kaning rai nme law, na a hpaga ni gaw, ga ntsa na daru magam rawng ai ni, rai wa masai; na a mandan lakle amu hte masha amyu baw shagu ni hkalem kau ai hkrum masai.

SHINGRAN 18:23 ပူးပေါင်းရင်းမြစ်များ

2 HKAWHKAM 9:22

Yoram gaw, “Nang gaw ngwi pyaw sim sa ai hte du sa wa nga n ni?,” ngu nna hkap san wu ai. Yehu gaw, “Na nnu Yezebela galaw hpang dat ai hpyi lamum shung sha ai hte hpara sumla nawku ai lai ni yawng nde wa anhte kaw naw nga nga ai rai yang, ngwi pyaw sim sa lam kaning rai lu la mai na rai nga a ta?,” ngu nna htan wu ai.

YOBA 21:17

N hkru ai masha wa a nhtoi gaw galoi mung si mat ai n rai ni? Shanhte hta na langai ngai gaw ru yak tsin-yam tsindam galoi mung ahkrum nga ai n rai ni? Karai Kasang gaw n hkru ai ni hpe pawt sindawng ai hte mung,

GA SHAGAWP 24:20

N hkru ai masha wa hta shawng lam n hku nga lu ai, myit mada shara hpa mung n nga nga ai.

ESAIA 23:8

Ga ntsa e grau htum ai arawng sadang hkam la nga ai hpaga du ni nga ai ndai hkaw dung mare Turu hpe kadai wa hpaji jaw nna ndai lam yawng hpe shabyin dat a ta?

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

YEREMIA 16:9

Chyahtum Chyalai N-gun Rawng ai dai Madu Israela a Karai Kasang ngai hpa tsun nga nngai hpe madat u. Ngai gaw kabu gara ai nsen, mani pyaw ai nsen hte hkungran poi lusha a kabu pyaw ai nsen ni hpe jasim kau na we ai. Dai shara na masha ni gaw ndai byin wa na lam hpe mu na mara ai.

YEREMIA 25:10

Ngai gaw shanhte a kabu gara jahtau ai nsen, mani pyaw ai nsen, kabu gara ai hkungran poi lusha sha ai nsen ni hpe jasim kau na we ai. Shanhte a pyengdin ni a matu wan sau lu na mara ai n rai, dai sha n-ga, lusha hpa mung nga na ra ai n rai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

NAHUM 3:4

Ninewe shawa num gaw ari jaw hkrum nga sai. Shi gaw ahpraw tsawm htap ai hte si na daram gunglau shalen lu ai atsam hte hpring nga ai, shi gaw masha amyu baw ni hpe chye alau la nna shanhte hpe mayam shatai nga ai.

KASA 8:11

Shi gaw shanhte hpe mandan lakle hpaji hte shamau dan ai ram ram wa na wa sai majaw, shi hpe ndai zawn madat mara nga ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

SHINGRAN 6:15

Dai shaloi, mungkan ga na hkawhkam hkawseng ni, up hkang ai du magam ni, hpyen du hpyen gyi ni, sahti ni, n-gun lagaw ja ai ni, mayam hte shanglawt ni nlang hte gaw, lungpu hku ni hte, bum ga na lunghkrung ni hta tinang dai gawp makoi shajang nga ma ai.

SHINGRAN 9:21

Masha sat ai amu hta na mung, mandan lakle amu, num la shut hpyit ai amu hte lagu lagut amu hta na mung, shanhte myit malai n lu ma ai.