SHINGRAN 18:21 - Jinghpaw Common Language Bible 2009

²¹ Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.

Jinghpaw Hanson Version Bible

²¹ Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 18:21 ပူးပေါင်းရင်းမြစ်များ

NEHEMIA 9:11

nang gaw na a amyu masha ni a matu panglai hku lai di lam langai hpaw ya ndai, dai hkun hkraw ai ga ntsa hku shanhte hpe lai shangun nga ndai. Shanhte a hpang hkan shachyut ai ni hpe panglai hka laru kata hta nlung langai lup mat ai zawn, shanhte hpe sung ai hka hta lup si shangun ndai.

YOBA 20:8

Shanhte gaw shana e mu ai yup mang shingran zawn hkoi mat wa nna, galoi mung bai mu lu na ra ai n rai.

SHAKAWN KUNGDAWN 37:36

rai ti mung, kade n na ai aten hta ngai lai wa yu ai shaloi dai shara hta shi n nga sai; shi hpe ngai tam yu tim, shi hpe n mu lu mat ni ai.

PRU MAT 15:5

Dai sung ai panglai gaw shanhte hpe ka-up kau nna; nlung zawn hka a htumpa de shanhte lup shang mat wa manu ai.

EZEKELA 26:21

Ngai nang hpe hkrit hpa kasi shatai nna dai gaw na a matu jahtum rai na ra ai. Masha ni nang hpe tam ti mung, galoi mung mu hkrum na ndai n rai.” Tsaw Htum ai dai Madu tsun nu ai.

Daniela 11:19

Dai hkawhkam wa gaw shi a mung na hpyen dap de nhtang mat wa na ra ai; rai ti mung shi chyawm gaw hkrat sum mat na ra ai, dai gaw shi a matu jahtum aten rai na ra ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 12:8

Rai ti mung baren numraw sum mat nna, shi hte shi a ali ama ni gaw sumsing lamu e nga na ahkang n lu mat masai.

SHINGRAN 16:20

Zunlawng ni yawng mat ma nna, bum ni yawng wai mat ma ai.

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 5:2

Dai hpang n-gun ja ai lamu kasa langai mi gaw, “Dai dazik ni hpe gaw kau na hte dai laika shabawn hpaw na kadai ging dan nga a ta?,” nga nna nsen kaba hte jahtau tsun ai hpe ngai mu nngai.