SHINGRAN 18:20 - Jinghpaw Common Language Bible 2009

²⁰ Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

Jinghpaw Hanson Version Bible

²⁰ Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:20 ပူးပေါင်းရင်းမြစ်များ

SHAKAWN KUNGDAWN 107:42

Ding hpring ai masha ni dai lam hpe mu nna kabu gara nga ma ti mung; tara n lang ai ni yawng hte hpe chyawm gaw shazim kau ya wu ai.

SHAKAWN KUNGDAWN 109:28

Shanhte gaw ngai hpe dagam nga ma ti mung, nang ngai hpe shaman ya na rin dai; ngai hpe zingri zingrat di ai ni sum mat mu ga, na a shangun ma ngai chyawm gaw kabu gara lu n ga.

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

SHAKAWN KUNGDAWN 48:11

Ziun a amyu masha ni kabu gara lu mu ga! Teng man ai tara dara lam ni hpe nang jaw ya nga ai; Yuda mung na mare ni hta kabu gara ai gaw anga nga u ga law!

SHAKAWN KUNGDAWN 58:10

Ding hpring ai ni gaw mara kap ai ni ari jaw hkrum ai hpe mu ai shaloi, kabu gara na mara ai; shanhte gaw tara n lang ai ni a asai hku kabye lai mat wa na mara ai.

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

GA SHAGAWP 11:10

Myit malang ai masha ni ngamu ngamai yang, mare ting kabu gara nga ai; tara n lang ai masha ni si wa yang chyawm gaw, dai mare hta kabu gara marawn jahtau nga ma ai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

ZEHPANI 3:15

Dai Madu gaw nanhte a ari ahpri hpe jahkring kau nna nanhte a gumlau hpyen ni yawng hpe la kau ya na ra ai. Dai Madu Israela a hkawhkam gaw nanhte hte rau anga nga ai; Dai shara hta ya kaw nna hkrit tsang shara hpa mung nga na n rai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

TARA JAHPRANG 32:42

Nye a pala ni shanhte a asai hpe kahte hkrat shangun nna, ngai hpe ninghkap ai ni yawng hpe nye a nhtu hte kahtam sat kau na we ai. Ngai hpe htim gasat ai ni kadai hpe mung shalawt dat na we ai n rai; hkala hkrum ai ni hte bawng masha ni pyi si htum mat na mara ai.’

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.

YUDA 1:17

Rai ti mung tsaw ra ai ni e, lai wa sai ten e anhte Madu Yesu Hkristu a kasa ni nanhte hpe tsun dan manit dai ga ni hpe adum nga mu.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

SHINGRAN 18:6

Shi nanhte hpe di ai hte maren shi hpe bai di htang mu; shi galaw ai lam yawng mayawng hte maren, htam lahkawng bai htang mu; nanhte a matu gawm hta shi kayau lajang ya ai luhpa hta htam lahkawng ja ai hku jahpring ya mu.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.