SHINGRAN 18:18 - Jinghpaw Common Language Bible 2009

¹⁸ dai mare hpe hkru kau ai wan shinglet kaw na wan hkut hpe mu yang, shanhte gaw, “Galoi mung ndai mare daram galu kaba hkik hkam ai mare kaga mi n nga yu sai!,” nga nna jahtau ma ai.

Jinghpaw Hanson Version Bible

¹⁸ “Dai galu kaba ai mare hte bung ai gaw, gara mare rai nga a ta?” nga nna jahtau ma ai.

SHINGRAN 18:18 ပူးပေါင်းရင်းမြစ်များ

YEREMIA 51:37

Dai mungdan gaw nam na gwi ma-a ni shanu ai hte marawng marang rai hten sumpum taw ai mung tai mat na ra ai. Dai mungdan gaw yu mau na zawn rai mat nhtawm, kadai mung dai shara hta shanu nga na ma ai n rai, dai mungdan hpe mu ai ni yawng hkrit kajawng mat na mara ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 14:11

Shanhte hpe nni nkri di zingri ai hta na wan hkut gaw, htani htana prat dingsa amawng lung nga ai. Dai matse labye hte shi a hkrang sumla hpe nawku ai ni hte, shi a mying a masat dingsat shakap hkam la ai ni yawng gaw, shani shana htingtsi hkyamsa ai lam lu la na ma ai n rai,” nga nna nsen kaba hte jahtau tsun ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 18:16

“Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka!