SHINGRAN 18:15 - Jinghpaw Common Language Bible 2009

¹⁵ Babelon mare hpe machyu nna gun rai dut nhtawm lu su wa ai hpaga la ni gaw, dai mare hkrum sha ai ari hta lawm sha na hpe hkrit nna, tsan tsan e tsap nga na mara ai. Shanhte gaw hkrap ngu hkrap ngoi sharung shayawt let,

Jinghpaw Hanson Version Bible

¹⁵ Dai gun rai dut nna dai mare a majaw lu su ai hpaga ni mung shi hkrum ai ari hpe hkrit nna, tsan tsan e tsap nga let, “Lachyit sumpan, zingnyung hte hkyeng kabrim ai hpun palawng bu hpun nna, aja, lungseng, pale mawn sumli ai galu kaba ai mare gaw, dingnye lu a hka, dingnye lu a hka!

SHINGRAN 18:15 ပူးပေါင်းရင်းမြစ်များ

EZEKELA 27:31

Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

ZEHKARIA 11:5

Madu ni gaw dai ni hpe sat ti mung ari hkrum na mara ai n rai. Shanhte gaw dai shan dut nhtawm, ‘Dai Madu hpe shakawn kungdawn mu! Anhte sut su saga ai!,’ ngu nna tsun ma ai. Tinang a sagu rem ai ni pyi shanhte hpe matsan dum nga ma ai n rai,” ngu nna tsun wu ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

KASA 16:19

Ya shi a madu ni gaw shanhte a gumhpraw shang lam pat mat wa ai hpe chye jang, shanhte gaw Pawlu yan Sila hpe rim la nna gat de nga ai agyi salang ni hpang de dun garawt wa mu ai.

SHINGRAN 18:12

Shanhte a gun rai ni gaw: ja arai, gumhpraw arai, hpu ging ai lungseng ni, pale, lachyit sumpan, shaba pu nsam rawng ai sumpan, lai hte da ai sumpan, hkyeng kabrim ai sumpan, manam pyaw ai baw hpun amyu myu, magwi kawng hte galaw ai arai amyu myu, manu rawng ai hpun arai, magri mang arai, hpri arai, lunghpraw arai amyu myu,

SHINGRAN 18:13

maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai.

SHINGRAN 18:14

Hpaga la ni gaw dai mare hpe, “Nang ra kasit madu la mayu ai kaja ai arai yawng mayawng hkoi mat masai; na a sut ring sut gan hte ra marit hpa tsawm htap arai ni yawng mung hkoi mat masai. Dai arai ni hpe htawm hpang de nang galoi mung bai mu lu sana n rai!”

SHINGRAN 18:19

Shanhte gaw tinang a baw ni hta ga nhpu hte bun nna, “Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,” nga nna hkrap ngu hkrap ngoi ai hte sharung shayawt let jahtau ma ai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.