SHINGRAN 18:13 - Jinghpaw Common Language Bible 2009

¹³ maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai.

Jinghpaw Hanson Version Bible

¹³ maza hpun, shatmai tsi, manam pyaw ai baw, mura, lawban, tsabyi jahku, asau, muk shadung, hkaulan mam, dumsu, sagu, gumra, gumra leng, masha hkum hte masha amyit masin hpe, ngu ai rai nga ai.

SHINGRAN 18:13 ပူးပေါင်းရင်းမြစ်များ

1 HKAWHKAM 10:10

Shi gaw Hkawhkam Shawlumon hpe shi la sa ai ja tan manga daram, manam pyaw ai namji namya hte lungseng law law jaw ya wu ai. Hkawhkam Shawlumon hpe shi sak jaw ai dai manam pyaw ai baw namji namya gaw hkawhkam wa gara aten galoi mung lu la yu ai kumhpa hta grau law htum rai nga ai.

1 HKAWHKAM 10:15

dai hta kaga hpaga ga ai masha ni kaw na hta la lu ai ahkun ni, hpaga amyat ni hte Arabi hkawhkam ni hte Israela ginwang ni hpe up hkang ai mung du ni sak jaw ai shagrau kumhpa ni naw lawm nga ai.

1 HKAWHKAM 10:25

Shi kaw sa ai masha kadai mung shi a matu kumhpa ngu na aja, gumhpraw, palawng galu, laknak, manam pyaw ai baw namji namya, gumra hte lawze ni hpe la sa ya ma ai. Dai hpe shaning shagu matut sak jaw ma ai.

1 HKAWHKAM LABAU 5:21

Shanhte gaw gumlau hpyen ni a lata kaw na gawla-uk 50,000, sagu 250,000 hte lawze 2,000 hte hpawn bawng masha 100,000 hpe rim woi mat wa ma ai.

2 HKAWHKAM LABAU 9:9

Shi gaw shi la sa ai kumhpa ni, Hkawhkam Shawlumon hpe jaw wu ai; dai ni gaw ja tan manga daram hte manam pyaw ai namji namya hte lung seng law law sak jaw wu ai. Sheba Hkawhkam jan gaw Hkawhkam Shawlumon hpe sak jaw ai manam pyaw ai namji namya daram kaja ai gaw galoi mung n nga yu nga sai.

NEHEMIA 5:8

“Maigan masha ni a lata de dut kau hkrum ai anhte a Yuda kahpu kanau ni hpe anhte dang lu ai made mari shaw la la rai ga ai. Ya chyawm gaw anhte mahtang nanhte a hpu nau majing ni hpe shanhte a hpu nau Yuda ni hpe nanhte a lata de dut kau dat ya na shadut shagyeng nga myit dai!,” ngu nna tsun we ai. Ningbaw ni atsin sha nga nga ma ai rai nna, tsun na hpa mung n mu tam lu ma ai.

PRU MAT 21:16

“Marai langai ngai hpe rim makoi mat wa nhtawm shi hpe dut kau nna mayam langai zawn tawn da ai wa kadai mung si lu na rai wu ai.

GA SHAGAWP 7:17

Dai yup ku hpe mura, maling shingnam, maza hpun ni hte manam pyaw hkra gat shamawng da se ai.

Shawlumon A Mahkawn Ga 1:3

Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 5:5

Shi hpe shang wa shangun na matu ngai shajin da nngai. Nye a lata ni hta mura sau chya da nngai, ngai gaw chyinghka htinggrang hpe jum da nga yang, nye a lata layung ni hta na mura sau kapya nga ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

EZEKELA 27:13

Nang gaw Grik, Tubala hte Meshek masha ni hte hpaga yumga galaw nna na a gun rai ni hpe mayam ni hte mung, magri mang gawm ni hte mung galai hkat nga ndai.

AMO LAIKA (AMOS) 2:6

Dai Madu gaw, “Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.

AMO LAIKA (AMOS) 6:6

Nanhte gaw sabyi ntsin hpe gawm hta lu nna manam pyaw htum ai sau jet ni lang nga myit dai, rai ti mung nanhte gaw Israela a hten run lam hpe sharung shayawt nga myit dai n rai.

AMO LAIKA (AMOS) 8:6

Anhte gaw hkaulan mam nmyem ni hpe tsaw ai manu hte dut la lu na rai nga ga ai. Anhte gaw tinang a hka ni hpe n wa lu ai matsan mayan masha ni hpe mu tam na rai ga ai, kyepdin man mi a manu daram pyi manu n rawng ai shanhte hpe mayam ni hpe zawn mari lu na ga ai,” nga nna tsun myit dai.

TARA JAHPRANG 24:7

“Israela hpu nau langai ngai hpe rim makoi da nna, shi a mayam shatai la ai, shing n rai mayam hku dut sha kau dat ai wa kadai mung sat kau ai hkrum na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

TARA JAHPRANG 28:68

Dai Madu gaw nanhte hpe Egutu mung de galoi mung bai nhtang sa sana n rai, nga nna shi tsun kau wu tim pyi, sanghpaw li hte nanhte hpe sa shangun na ra ai; dai yang e mayam sa tai na nga, nanhte a gumlau hpyen ni a lata hta tinang hkum nan sa dut ti mung, nanhte hpe kadai mung akaw alaw nga nna ra sharawng na mu ai n rai,” ngu nna tsun wu ai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

SHINGRAN 18:14

Hpaga la ni gaw dai mare hpe, “Nang ra kasit madu la mayu ai kaja ai arai yawng mayawng hkoi mat masai; na a sut ring sut gan hte ra marit hpa tsawm htap arai ni yawng mung hkoi mat masai. Dai arai ni hpe htawm hpang de nang galoi mung bai mu lu sana n rai!”

SHINGRAN 18:15

Babelon mare hpe machyu nna gun rai dut nhtawm lu su wa ai hpaga la ni gaw, dai mare hkrum sha ai ari hta lawm sha na hpe hkrit nna, tsan tsan e tsap nga na mara ai. Shanhte gaw hkrap ngu hkrap ngoi sharung shayawt let,