SHINGRAN 17:15 - Jinghpaw Common Language Bible 2009

¹⁵ Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.

Jinghpaw Hanson Version Bible

¹⁵ Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.

SHINGRAN 17:15 ပူးပေါင်းရင်းမြစ်များ

SHAKAWN KUNGDAWN 18:4

Si hkrung si htan a hkrithpa gaw ngai hpe gawan da nna; jahten sharun ai a hka leng gumdin ni nye a ntsa e, taleng nga sai.

SHAKAWN KUNGDAWN 65:7

Nang gaw panglai hka ni a wu kadu ai nsen, hka leng ni a kashaw kashai ai nsen ni hte, amyu baw ni a rawt kabrawng ai hpe shazim kau nga ndai.

YEREMIA 47:2

Shi gaw, “Yu mu! Dingdung shara hta hka ni rawt tung nga ai, dai gaw hka nu hpungtun zawn agre yu wa na ra ai. Dai gaw mungdan hpe mung, dai hta rawng marawng ni hpe mung, mare ni hte dai mung hta shanu nga ai amyu masha ni hpe mung ka-up kau na ra ai. Amyu masha ni mung karum la na matu tsun jahtau na mara ai; ginding aga ntsa na masha shagu hte gaw ahkup ahka nga hkra hkrap na mara ai.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

YEREMIA 51:42

Panglai hka gaw Babelon mung de ka-up lung wa nna wu kadu ai hka leng ni hte dai mung hpe lim kau nga sai.

YEREMIA 51:55

Ngai gaw Babelon mung hpe jahten shaza nga nngai dai mung hpe shazim kau ni ai. Hpyen luksuk ni gaw wu kadu nga ai hka leng ni zawn adawt shang wa nna, garu gachyi marawn jahtau ai nsen hte gasat ma ai.

EZEKELA 31:4

Dai hpun tu kaba wa shangun na hka nga nga ai, Dai hpe lusha tam jaw na ga npu na hka nu ni nga nga ai Shanhte gaw dai hpun tu nga ai shara hta hka jaw ma ai. Nam maling na hpun ni yawng hpang de hka shi ni lwi shangun da nga ai.

SHINGRAN 10:11

Dai hpang lamu kasa gaw, “Amyu baw law law, masha mungdan law law, hte hkawhkam law law a lam Karai Kasang a mungga kalang mi bai nang tsun lu na ndai,” nga nna ngai hpe tsun ai.

SHINGRAN 11:9

Shaloi amyu mungdan shagu hta na amyu lakung ni, ga amyu myu shaga ai ni, amyu bawsang ni gaw, shan a moi mang hpe lup makoi na ahkang n jaw ai sha masum ya e chyingdaw mi tup sa hpu yu nga na mara ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.