SHINGRAN 17:13 - Jinghpaw Common Language Bible 2009

¹³ Bai hkawhkam ni marai shi hta yaw shada ai lam langai sha rawng nga ai, rai nna, dai matse labye hpe shanhte a n-gun hte ahkang aya ap ya ma ai.

Jinghpaw Hanson Version Bible

¹³ Dai ni gaw myit langai sha rawng nna, dai matse labye hpe tinang a hpung shingkang hte ahkang aya ap ya ma ai.

SHINGRAN 17:13 ပူးပေါင်းရင်းမြစ်များ

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 2:2

Dai rai nna nanhte gaw myit hkrum ai lam langai sha, myit masin langai sha, myit mang langai sha rai nga ai hku nna, nye a kabu gara myit hpe jahpring shatsup ya na matu, ngai nanhte hpe shadut jahkat dat made ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 17:17

Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.