SHINGRAN 17:1 - Jinghpaw Common Language Bible 2009

¹ Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

Jinghpaw Hanson Version Bible

¹ Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga:

SHINGRAN 17:1 ပူးပေါင်းရင်းမြစ်များ

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

EZEKELA 31:4

Dai hpun tu kaba wa shangun na hka nga nga ai, Dai hpe lusha tam jaw na ga npu na hka nu ni nga nga ai Shanhte gaw dai hpun tu nga ai shara hta hka jaw ma ai. Nam maling na hpun ni yawng hpang de hka shi ni lwi shangun da nga ai.

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

LUKA 9:30

Akajawng sha dai kaw, masha lahkawng shi hte ga shaga nga ma ai. Dai yan gaw Mawshe hte Elia rai nga ma ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 15:1

Dai hpang sumsing lamu hta e n chye tsun dan hkra galu kaba nna mauhpa re ai lamik kumla kaba langai mi hpe ngai mu nngai. Dai lamik kumla gaw, ana zinli sanit lang ai lamu kasa sanit rai nna, Karai Kasang a pawt bu ai hpe hpang jahtum shangut ai lachyum shapraw dan ai mung rai nga ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 18:1

De a hpang e, lamu kasa langai mi sumsing lamu de nna yu wa ai, ngai mu nngai. Shi hta ahkang aya kaba nga nga ai rai nna, shi a hpung shingkang gaw lamu ga ting htoi tu ahkung shangun wu ai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.

SHINGRAN 21:15

Ngai hte ga shaga ai lamu kasa a lata hta, mare hpe mung, de a chyinghka lam ni hpe mung, de a bunghku ni hpe mung, shadawn na matu ja ningren langai mi lang da nga ai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.