SHINGRAN 16:2 - Jinghpaw Common Language Bible 2009

² Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.

Jinghpaw Hanson Version Bible

² Shaloi shawng na wa pru sa nna, shi a gawm ga ntsa de ru bun dat wu ai: dai gaw, matse labye a masat dingsat kap ai hte shi a hkrang sumla nawku ai masha ni hta, matsat shabat re ai aju machyi ai hpye shanam ai ana byin wa ai.

SHINGRAN 16:2 ပူးပေါင်းရင်းမြစ်များ

2 HKAWHKAM LABAU 21:15

Nang nan mung lani hte lani grau sawng wa shangun ai pu kan machyi ka-ut ai ana hkrum sha na rin dai.”

2 HKAWHKAM LABAU 21:18

Dai hpang dai Madu gaw pu kan machyi ka-ut ai ana hkawhkam wa a ntsa e du shangun wu ai.

SHAKAWN KUNGDAWN 78:26

Sinpraw nbung hpe mung shi bung shangun nna, shi a daru magam n-gun hte dingda nbung hpe kabrawng shangun nhtawm;

ESAIA 3:17

Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

TARA JAHPRANG 28:27

Dai Madu gaw Egutu masha ni hpe galaw ai zawn nanhte a ntsa e shakrwi tu shangun na ra ai. Nanhte a hkum hta mung hpye ai ningma kahpawk ga na ra ai. Machyit hte maru ru ai gaw nanhte hta chyat rai ti mung, nang hpe mai hkra tsi lajang na kadai mung nga na n rai.

TARA JAHPRANG 28:35

Dai Madu gaw abaw kaw nna lagaw du hkra n chye mai ai shakrwi hte machyi ka-ut shangun ai ningma ni shabyin ya na ra ai.

TARA JAHPRANG 7:15

Dai Madu gaw machyi makaw ana ahkya yawng hta na nanhte hpe makawp maga la nhtawm, Egutu mung e nanhte hkrum kadup yu sai hkrit hpa ana zinli hpa hpe mung nanhte hta kap shangun na wu ai n rai; rai ti mung, nanhte a gumlau hpyen ni yawng hpe chyawm gaw shakap ya na wu ai.

SHINGRAN 13:12

Shi gaw shawng na matse labye a ahkang aya yawng mayawng hpe dai matse labye a man e jai lang nna, si na daram re ai nma mai mat ai shawng na matse labye hpe dinghta ga hte dai hta nga ai ni hpe nawku shangun mu ai.

SHINGRAN 14:16

Dai rai nna sumwi ntsa e dung nga ai wa gaw, ga ntsa de shi a nhkyau ningwat dat wu ai rai nna, mungkan ga na mam gaw dan ngut mat nga ai.

SHINGRAN 14:9

Bai, masum ngu na lamu kasa gaw, shawng na lahkawng a hpang e dan pru nna, “Dai matse labye hte de a hkrang sumla hpe nawku nna, tinang a lahtan hta shing n rai, tinang a lata hta masat dingsat shakap la ai kadai mung,

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.

SHINGRAN 16:11

Shing rai shanhte a machyi ai hte hpye shanam ai ana a majaw, shanhte gaw sumsing lamu na Karai Kasang hpe matsa shatan ma ai. Rai ti mung tinang a n hkru n kaja ai arawn alai ni hta na myit malai n lu ma ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

1 SAMUELA 5:6

Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.

1 SAMUELA 5:9

Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.