SHINGRAN 16:16 - Jinghpaw Common Language Bible 2009

¹⁶ Dai nat wenyi ni gaw hkawhkam ni hpe, Hebre ga hku Armagedon ngu ai shara de shaga jahpawng da mu ai.

Jinghpaw Hanson Version Bible

¹⁶ Dai nat wenyi ni gaw hkawhkam ni hpe, Hebre ga hte Hara Magedon ngu ai shara de jahpawng da mu ai.

SHINGRAN 16:16 ပူးပေါင်းရင်းမြစ်များ

2 HKAWHKAM LABAU 35:22

Rai ti mung Yoshia chyawm gaw htim gasat na matu myit daw dan jahkut da wu ai. Karai Kasang gaw Niko hku nna tsun shadum nga ai ga hpe shi n madat hkraw wu ai rai nna, shi hkum hpe shi nsam makoi galai kau nhtawm Megido pa layang na majan ginra de pru sa mat wa wu ai.

ZEHKARIA 12:11

Dai aten hta Megido pa layang e Hadad Rimon a matu sharung shayawt ai zawn Yerusalem hta sharung shayawt lam kaba byin wa na ra ai.

YAWHAN 19:13

Pilat gaw dai ga ni hpe na jang, Yesu hpe woi shapraw nhtawm, Hebre ga hku Gabahta ngu ai nlung nep tawn ai shara na tara tingnyang hta dung nga ai.

YAWHAN 19:17

Shanhte gaw Yesu hpe woi dun wa mu ai. Yesu gaw shi a wudang hpe shi nan hpai nna “Pungkum ngu ai Shara de sa wa ai.” Dai shara hpe, (Hebre ga hku “Golgahta,” nga ma ai.)

YAWHAN 5:2

Yerusalem mare na Sagu Chyinghka makau e Hebre ga hku Betzahta ngu ai hka lawng langai mi nga ai, dai hka lawng hpe shinggrup nna jarawp manga mung gap da ma ai.

KASA 26:14

Shaloi anhte yawng ga de kadawng taw mat shajang nga yang Hebre ga hte ngai hpe, ‘Shawlu, Shawlu! Nang ngai hpe hpa rai zingri nga n ta? Usu gaw madu a nga gau shingna masen hpe lahkat htawng yang na zawn dai masawn hpe htawng ai hte na hkum hpe machyi la shangun nga n hka!,’ nga ai nsen langai mi ngai na nngai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.

TARA AGYI 4:7

Kishon hka makau e nanhte hpe gasat na matu, ngai gaw Yabin a hpyen luksuk na hpyen du Sisera hpe woi sa wa na nngai. Shi gaw hpyen leng ni hte hpyenla ni lu nga ti mung, ngai gaw shi hpe dang kau lu na awng padang nanhte hpe jaw na we ai,’” ngu nna tsun wu ai.

TARA AGYI 5:19

Megido hka shi makau na Tanak shara hta hkawhkam ni sa gasat nga masai; Hkanan hkawhkam ni gasat ma ai, rai ti mung shanhte gaw gumhpraw lanep n hta ma ai.