SHINGRAN 16:12 - Jinghpaw Common Language Bible 2009

¹² Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.

Jinghpaw Hanson Version Bible

¹² Bai kru ngu na wa, shi a gawm Uhprat hka nu kaba hta ru bun dat wu ai: dai rai nna, sinpraw mung na hkawhkam ni sa wa na lam hku na matu, dai hka nu gaw hkyet mat wa ai.

SHINGRAN 16:12 ပူးပေါင်းရင်းမြစ်များ

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 41:25

“Ngai gaw sinpraw maga de nga ai masha langai mi hpe lata la ni ai; ngai gaw shi hpe dingdung maga de nna gasat na matu woi la na nngai. Shi gaw mung du ni hpe hkumpup zawn, di bu sama wa kagam ga hpe kabye gumchya ai zawn kabye anut nga ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

ESAIA 44:27

Hkang da ai ga hte maren, ngai gaw nammukdara hpe jahkyet nngai.

ESAIA 46:11

Ngai gaw sinpraw maga de na masha langai du sa na shaga nga nngai; shi gaw langji zawn ntsa de nna htim yu wa na ra ai, ngai shatawng shada ai amu ni hpe shangut na ra ai. Ngai tsun ni ai, dai gaw byin wa na ra ai.

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.

SHINGRAN 11:14

Lahkawng ngu na dingnye gaw lai mat wa sai, rai ti mung masum ngu na dingnye gaw alawan du na ra ai.

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.

SHINGRAN 7:2

Bai, ahkrung nga ai Karai Kasang a dazik lang tawn da ai lamu kasa langai mi sinpraw maga de nna pru lung wa ai hpe ngai mu nngai. Shi gaw lamu ga hte panglai hpe jahten shaza kau na ahkang jaw da hkrum ai lamu kasa mali hpe,

SHINGRAN 9:14

Dai nsen gaw kru ngu na lamu kasa hpe, “Uhprat hka nu kaba makau e sharen da ai lamu kasa mali hpe raw dat u!,” nga nna tsun ai.