SHINGRAN 16:10 - Jinghpaw Common Language Bible 2009

¹⁰ Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.

Jinghpaw Hanson Version Bible

¹⁰ Bai, manga ngu na wa shi a gawm dai matse labye a tingnyang ntsa de ru bun dat wu ai: shaloi shi a mungdan nsin chyip rai mat wa nna, mung masha ni gaw aju machyi la ai majaw, tinang a shinglet kawa udik nga ma ai:

SHINGRAN 16:10 ပူးပေါင်းရင်းမြစ်များ

SHAKAWN KUNGDAWN 78:49

Shi gaw shi a pawt sindawng ai hpe ru dat nna; Si Du a kasa ni du sa wa ai zawn, tsin-yam tsindam, nchyi nmu re ai ru tsang kaba, shanhte hpe shabyin dat ya wu ai.

MAHTE 13:42

wan htung hta kabai bang da na maru ai rai nna, dai yang e hkrap ngu hkrap ngoi ai hte wa udik rai na mara ai.

MAHTE 13:50

shanhte hpe wan htung hta kabai bang kau na maru ai; dai yang e shanhte hkrap ngu hkrap ngoi hte wa udik rai na mara ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 24:51

shi a madu gaw shi hpe azat aza di kau nhtawm, sawt ai ni hkam la ga ai ari shi hpe mung garan hkam la shangun na ra ai rai nna, dai yang e shi gaw hkrap ngu hkrap ngoi ai hte wa udik urin ai rai na ra ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

LUKA 13:28

Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.

SHINGRAN 17:17

Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.

SHINGRAN 17:9

“Ndai lam hte seng nna hpaji byeng-ya hte machye machyang rawng nga ai. Baw sanit gaw, dai numsha dung ai bum sanit rai nga ai. Shanhte gaw hkawhkam sanit mung rai nga ma ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.

SHINGRAN 18:23

Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”

SHINGRAN 8:12

Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.

SHINGRAN 9:2

Dai shagan gaw sung htum ai shara na nhkun hpe shi hpaw dat wu ai rai nna, wan hkut gaw wanhtung kaba kata na wan hkut zawn dai nhkun na mawng lung wa ai hte, dai nhkun kaw na wan hkut a majaw, jan hte lamu ganghkau gaw nsin sin mat wa ai.