SHINGRAN 16:1 - Jinghpaw Common Language Bible 2009

¹ Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.

Jinghpaw Hanson Version Bible

¹ Bai, dai lamu kasa sanit hte hpe, Pru sa wa mu, Karai Kasang a sindawng kahtet rawng ai gawm sanit hpe ga ntsa de ru bun dat mu, nga nna dai nawku Htingnu kaw na pru ai nsen kaba, ngai na nngai.

SHINGRAN 16:1 ပူးပေါင်းရင်းမြစ်များ

SHAKAWN KUNGDAWN 79:6

Nang hpe nawku daw jau ai lam n galaw ai ni, nang hpe akyu n hpyi ai masha amyu ni a ntsa e, na a masin kahtet ai lam, ru bun dat u.

YEREMIA 10:25

Nang hpe n nawku ai hte nang hpe ningdang kau ai masha amyu baw ni a ntsa e, na a masin kahtet ai ru jaw bun u. Shanhte gaw na a amyu masha ni hpe sat kau manu ai; shanhte gaw anhte hpe atsai awai shamyit kau manu ai hte anhte a mungdan hpe jahten sharun kau da manu ai.

EZEKELA 10:2

Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 14:15

Dai hpang, lamu kasa kaga langai mi gaw, dai nawku htingnu kaw na pru nna, sumwi ntsa e dung nga ai wa hpe, “Ga ntsa e mam myin krawp wa sai; mam dan na aten du ra ai majaw, mam dan na matu na a nhkyau hpe lang nna dan la u!,” nga nna nsen kaba hte jahtau wu ai.

SHINGRAN 14:18

Dai hpang, wan hpe up madu ai lamu kasa kaga gaw, tawn hkungri de na pru nna, dai ai nhkyau lang ai lamu kasa hpe, “Na a dai ai nhkyau hpe la nna mungkan ga na sabyi si ni hpe dan la u, sabyi si ni myin nga sai!,” nga nna nsen kaba hte jahtau tsun ai.

SHINGRAN 15:1

Dai hpang sumsing lamu hta e n chye tsun dan hkra galu kaba nna mauhpa re ai lamik kumla kaba langai mi hpe ngai mu nngai. Dai lamik kumla gaw, ana zinli sanit lang ai lamu kasa sanit rai nna, Karai Kasang a pawt bu ai hpe hpang jahtum shangut ai lachyum shapraw dan ai mung rai nga ai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.

1 SAMUELA 15:18

shi gaw nang hpe dai n hkru ai Amalek masha ni hpe jahten shaza kau na matu hkang da let shangun dat nit dai; shanhte yawng hpe sat kau ngut ai shani du hkra, htim gasat na matu shi nang hpe tsun nu ai.

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.