SHINGRAN 15:8 - Jinghpaw Common Language Bible 2009

⁸ Dai nawku htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit la sa ai ana zinli garai n htum htum gaw, dai nawku htingnu kata de kadai mung n shang lu ai.

Jinghpaw Hanson Version Bible

⁸ Shaloi dai nawku Htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit a ari zinli garai n htum htum gaw, dai nawku Htingnu kata de kadai mung n shang lu ai.

SHINGRAN 15:8 ပူးပေါင်းရင်းမြစ်များ

SHAKAWN KUNGDAWN 29:9

Dai Madu a nsen gaw wamyi hpun ni hpe ashun dat nna, hpun lap ni hpe sharun kau wu ai shaloi, “Karai Kasang gaw hpung shingkang rawng nga u ga,” nga nna shi a Nawku Htingnu kata na masha shagu hte jahtau garu ma ai.

PRU MAT 19:18

Dai Madu gaw bum ntsa de wan hte yu hkrat wa ai majaw Sina Bum ting hta wan hkut hte ka-up da nga ai. Dai wan hkut gaw wan htung na wan hkut zawn mawng lung nga ai rai nna amyu masha ni ja ja hkrit gari nga ma ai.

ESAIA 6:4

Shanhte a jahtau ai nsen gaw Nawku Htingnu a npawt nhpang hpe ashun awam shangun nga ai, dai Nawku Htingnu nan wan hkut hte hpring nga ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

SHARUNG SHAYAWT 3:44

Anhte a akyu hpyi ga nang hpang de hkrang lung wa na matu laru sumwi ni grai htat nga ai.

JAW JAU 16:2

Shi gaw, “Htap htuk ai aten hta chyu sha nba grang shingdu hku dai Chyoi Pra Htum ai Shara kata de na nhpu Arun shang lu na lam tsun u; hpa majaw nga yang, dai Ga Shaka Sumpu ntsa na magap a ntsa e ngai dan pru na nngai. Dai lam hpe shi n madat ai rai yang, sat kau ai hkrum na rai wu ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

2 HTESALONI 1:9

Shanhte gaw Madu a myi man kaw na jahka kau ai hte shi a atsam a hpung shingkang hte daw hka mat wa ai ngu ai htani htana jahten shabyak kau ai ari hkrum na mara ai.

SHINGRAN 15:1

Dai hpang sumsing lamu hta e n chye tsun dan hkra galu kaba nna mauhpa re ai lamik kumla kaba langai mi hpe ngai mu nngai. Dai lamik kumla gaw, ana zinli sanit lang ai lamu kasa sanit rai nna, Karai Kasang a pawt bu ai hpe hpang jahtum shangut ai lachyum shapraw dan ai mung rai nga ai.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.