SHINGRAN 15:2 - Jinghpaw Common Language Bible 2009

² Dai hpang wan hte kayau ai pat nawng zawn re ai arai langai mi hpe ngai mu nngai. Dai matse labye hte shi a hkrang sumla hpe mung, hti hkum hku mying masat da ai wa hpe mung, dang kau ai ni hpe mung, ngai mu nngai. Shanhte gaw Karai Kasang jaw ai tingse ni hpe lang let dai pat nawng makau e tsap nga ma ai.

Jinghpaw Hanson Version Bible

² Bai, wan hte kayau ai pat nawng zawn re ai, ngai mu nngai: dai matse labye hte shi a hkrang sumla kaw na mung, shi amying a nambat kaw na mung, dang pru wa ai ni gaw, Karai Kasang a tingse lang let, dai pat nawng makau e tsap nga ma ai.

SHINGRAN 15:2 ပူးပေါင်းရင်းမြစ်များ

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 13:17

Dai matse labye a mying shing n rai, dai mying a malai hti hkum masat dingsat n kap ai wa kadai mung, arai mari na hte dut na ahkang n lu ma ai.

SHINGRAN 21:18

Dai mare a bunghku hpe nagahtoi lungseng hte galaw da nga ai; dai mare hpe gaw pat zawn san tsawm ai ja jet hte galaw da nga ai.

SHINGRAN 4:6

Bai dai tingnyang a man e pat seng zawn san hkra san tsawm ai pat nawng langai mi ing nga ai. Dai hta n ga, tingnyang a grup yin gade n de, shingdu aman grup ting myi tu ai dusat amyu mali nga ma ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.