SHINGRAN 14:6 - Jinghpaw Common Language Bible 2009

⁶ Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

Jinghpaw Hanson Version Bible

⁶ Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

SHINGRAN 14:6 ပူးပေါင်းရင်းမြစ်များ

NINGPAWT NINGHPANG 1:6

Dai hpang Karai Kasang gaw, “Hka hpungnung hpe karan nna hka hte hka lahkawng brang karan na matu lamu madin nga u ga,” ngu nna hkang dat wu yang dai mung byin nga sai. Dai rai nna Karai Kasang gaw lamu madin hpe galaw nna madin kata e nga ai hka hte madin ntsa e nga ai hka hpe karan da wu ai.

2 SAMUELA 23:5

N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

SHAKAWN KUNGDAWN 119:142

Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.

SHAKAWN KUNGDAWN 139:24

Nye a myit masin hta n hkru ai lam lama rawng nga ai rai yang, dai ni hpe sawk yu u; htani htana agrin nga ai lam de, ngai hpe woi wa e law.

SHAKAWN KUNGDAWN 145:13

Na a up hkang lam gaw htani htana agrin nga nna, nang gaw htani htana prat dingsa agrin nga ai hkawhkam wa rai nga ndai; Madu gaw shi a ga sadi ni hta sadi dung nga ai hte magam bungli ni yawng hta tsaw ra matsan dum ai wa rai nga ai.

ESAIA 40:8

Rai sa, tsingdu ni nyui mat nna nampan ni run mat nga ai, rai ti mung anhte a Karai Kasang a mungga gaw htani htana agrin nga ai,” ngu nna htawn tsun u.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 6:2

Shi grup grup hta wan shinglet pru ai hkrung kanu ni tsap nga ma ai, dai ni langai hte langai hta singkaw kru kru tu nga ai; hkrung kanu shagu a myi man hpe singkaw lahkawng hte magap da nga ai, de a hkum hpe singkaw lahkawng hte kaga singkaw lahkawng gaw pyen na matu rai nga ai.

EZEKELA 1:14

Dai dusat ni gaw shanhte hkum hpe myi hprap wan gala ai daram lawan ai hku shawng de, hpang de akajawng sha kagat sa ma ai.

Daniela 4:1

Hkawhkam Nebuhkadneza gaw masha amyu baw ni, amyu bawsang ni hte kaga ga amyu myu shaga ai masha amyu ni yawng hpang de ning ngu nna htet shana dat wu ai: “Nanhte hta ngwi pyaw nga malit ga!

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

MAHTE 10:27

Ngai nanhte hpe nsin kata e tsun dan ai lam hpe nhtoi hta e tsun dan mu: nanhte machyi shim ai hku na la ai lam hpe nta numgaw ntsa kaw nna ndau shana lu na rai myit dai.

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

1 PETRU 1:25

Rai ti mung Madu a mungga chyawm gaw prat mi hte prat mi anga nga ai, nga nna tsun da nga ai. Dai mungga gaw nanhte hpe hkaw tsun dan sai Kabu Gara Shiga rai nga ai.

SHINGRAN 10:11

Dai hpang lamu kasa gaw, “Amyu baw law law, masha mungdan law law, hte hkawhkam law law a lam Karai Kasang a mungga kalang mi bai nang tsun lu na ndai,” nga nna ngai hpe tsun ai.

SHINGRAN 10:7

Rai ti mung, sanit ngu na lamu kasa a pahtau dum dat ai shaloi, Karai Kasang gaw shi a shangun ma ni ngu ai myihtoi ni hpe tsun shana da sai hte maren, shi a sung htum ai shatawng shada ai lam hpe shadik shatup na ra ai,” nga nna tsun ai.

SHINGRAN 13:7

Shi gaw Karai Kasang a masha ni hpe gasat nna dang kau na ahkang mung, mungdan shagu hta nga ai ga baw amyu shagu shaga ai masha amyu bawsang yawng hte a ntsa e up na ahkang hpe mung jaw da hkrum ai wa rai nga ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.