SHINGRAN 14:4 - Jinghpaw Common Language Bible 2009

⁴ Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

Jinghpaw Hanson Version Bible

⁴ Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 14:4 ပူးပေါင်းရင်းမြစ်များ

SHAKAWN KUNGDAWN 45:14

Nsam amyu hkum ai palawng galu ni hte sumli nna; shi a shingnan hkawn sek ni mung hkan bawp nang ma ai hte, hkawhkam wa hpang de sa wa ma ai.

SHAKAWN KUNGDAWN 74:2

Moi moi kaw nna, na a matu nang nan lata la ai amyu masha ni hte; na a amyu masha ni tai nga na matu mayam kaw nna hkrang shaw la hkrum sai na a amyu masha ni hpe dum nga u. Nang lang mi nga lai wa sai Ziun bum hpe dum nga u.

Shawlumon A Mahkawn Ga 1:3

Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Shawlumon A Mahkawn Ga 6:8

Hkawhkam wa gaw hkawhkam jan kru shi, lashi num matsat shi, n dang hti hkra law ai num mahkawn ni lu u ga.

YEREMIA 2:3

Israela e, nang hpe chyu sha ngai madu nngai; nang gaw nye a matu chyoi pra nga ndai. Ngai gaw nang hpe machyi shangun ai masha shagu a ntsa e nni nkri hte tsin-yam tsindam dat dat nngai. Dai Madu ngai nan tsun ni ai,” ngu nna tsun ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

MAHTE 19:12

Hpa majaw nga yang, masha nkau mi gaw kanu a hkritung nna la jasi tai mat ma ai; nkau mi gaw masha a lata hte la jasi tai mat ma ai; bai nkau mi gaw sumsing Mungdan a akyu hpe tau nna dinghku n de ma ai.”

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 8:19

Shaloi tara sara langai mi sa du nna, “Sara e, nang sa ai shara shagu de ngai nang kaw hkan nang na nngai,” ngu wu ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 13:37

Petru gaw, “Madu e, ngai nang hte rau hpa rai n hkan lu na rai ta? Na a matu si hkam na ngai jin chyalu rai nga nngai,” ngu wu ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 KORINHTU 16:15

Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 7:28

Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

EHPESU 1:14

Dai Wenyi jaw ya ai lam gaw, Karai Kasang shi a amyu masha ni hpe hkam la shangun na ga ndat tawn da sai sali wunli anhte hkam la lu na ra ai hpe pahkam hkam ya ai lam rai nga ai. Dai gaw Karai Kasang shi a amyu masha ni hpe yubak mara kaw nna tsep kawp shalawt dat na ra ai lam anhte hpe myit mu myit hkut shangun nga ai. Anhte gaw shi a hpung shingkang hpe shakawn kungdawn nga ga law.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 21:22

Dai mare kata e nawku htingnu ngai n mu nngai, hpa majaw nga yang, Chyahtum Chyalai n-gun atsam rawng ai Madu Karai Kasang hte Sagu Kasha gaw, dai mare a nawku htingnu rai nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.