SHINGRAN 14:2 - Jinghpaw Common Language Bible 2009

² Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.

Jinghpaw Hanson Version Bible

² Bai, sumsing lamu kata nna hka rum law law kadu ai nsen hte, mu ngoi kaba a nsen zawn wu ai nsen hpe, ngai na nngai; ngai na ai nsen gaw, tingse dum ai ni tinang a tingse ni hpe dum dat yang na nsen zawn rai nga ai.

SHINGRAN 14:2 ပူးပေါင်းရင်းမြစ်များ

2 SAMUELA 6:5

Dawi hte Israela masha ni yawng gaw dai Madu hpe shagrau sha-a na nga, n-gun lagaw mahkra hte ka manawt let mahkawn shakawn nga ma ai. Shanhte gaw dawraw sumpyi, tingse, chying, doria hte shupsheng ni hte dum shapyaw nga ma ai.

2 HKAWHKAM LABAU 20:28

Shanhte gaw mare de du wa ai shaloi tingse sumpyi hte pahtau ni hpe dum let, mare na Nawku Htingnu de du wa ma ai.

SHAKAWN KUNGDAWN 147:7

Dai Madu hpe mahkawn mangoi ga hte mahkawn shakawn mu; anhte a Karai Kasang hpe tingse hte mahkawn shakawn mu.

SHAKAWN KUNGDAWN 149:3

Shi a mying nsang hpe ka manawt let shakawn mu; chying bau ni hte tingse ni hpe dum nna shi hpe shakawn mu.

SHAKAWN KUNGDAWN 33:2

Dai Madu hpe tingse ni hte dum shakawn mu, sumri rawng ai madum sumpyi ni hte shi hpe shakawn mu.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

SHAKAWN KUNGDAWN 57:8

Nye a wenyi e, dum hprang u! Nye a tingse hte sumpyi e, dum hprang u! Jan hpe mung ngai jasu na nngai!

SHAKAWN KUNGDAWN 93:4

Madu gaw nammukdara a ngoi kashaw ai hte panglai hka leng ni hta pyi grau nna daru magam n-gun rawng nga ai, sumsing lamu hta e tsaw htum ai hku up hkang nga ai.

SHAKAWN KUNGDAWN 98:5

Dai Madu hpe mahkawn shakawn mu! Tingse ni hpe dum let, shi hpe mahkawn shakawn mu!

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 20:18

Amyu masha ni gaw mu ngoi ai hte pahtau ngoi garu ai nsen na nna myi hprap galam ai hte wan hkut hku ai bum hpe mu ma ai shaloi, shanhte hkrit gari mat ai hte tsan tsan e tsap nga ma ai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

1 KORINHTU 13:1

Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.

SHINGRAN 1:15

Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.

SHINGRAN 11:12

Dai hpang myihtoi yan gaw, “Nang de lung wa marit,” nga nna lamu de na shaga ai nsen kaba langai mi na mu ai; shan a hpyen ni sin yu nga yang, sumsing lamu de sumwi jawn nna lung mat wa ma ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 15:2

Dai hpang wan hte kayau ai pat nawng zawn re ai arai langai mi hpe ngai mu nngai. Dai matse labye hte shi a hkrang sumla hpe mung, hti hkum hku mying masat da ai wa hpe mung, dang kau ai ni hpe mung, ngai mu nngai. Shanhte gaw Karai Kasang jaw ai tingse ni hpe lang let dai pat nawng makau e tsap nga ma ai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

SHINGRAN 6:1

Shaloi dai Sagu Kasha gaw, dazik sanit hta na langai ngu na hpe hpaw dat ai ngai mu ai hte dusat amyu mali hta na langai mi, mu ngoi ai nsen zawn ngoi ai hte, “Sa rit!,” nga nna tsun ai hpe ngai na nngai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.