SHINGRAN 14:18 - Jinghpaw Common Language Bible 2009

¹⁸ Dai hpang, wan hpe up madu ai lamu kasa kaga gaw, tawn hkungri de na pru nna, dai ai nhkyau lang ai lamu kasa hpe, “Na a dai ai nhkyau hpe la nna mungkan ga na sabyi si ni hpe dan la u, sabyi si ni myin nga sai!,” nga nna nsen kaba hte jahtau tsun ai.

Jinghpaw Hanson Version Bible

¹⁸ Bai, wan hpe up ai ahkang lu ai lamu kasa kaga gaw, tawn hkungri de na pru nna, dai ai nhkyau lang ai wa hpe nsen kaba hte jahtau let, Na a dai ai nhkyau dat dat nna, aga na tsabyi ru a asi sumbaw hpe gadoi shingkyin la u; de a tsabyi si myin sai, ngu wu ai.

SHINGRAN 14:18 ပူးပေါင်းရင်းမြစ်များ

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

MARKU 4:29

Mam myin jang, nmut ta du sai majaw, shi gaw dai hpe nhkyau hte dan la hpang wu ai, ngu nna tsun mu ai.

SHINGRAN 16:7

Dai hpang dai tawn hkungri kaw na nsen langai mi mung, “Chyahtum chyalai n-gun atsam rawng ai Madu Karai Kasang e, na a jeyang ai lam ni gaw, kaja wa teng man ai hte ding hpring nga lit dai law!,” nga nna tsun ai ngai na nngai.

SHINGRAN 16:8

Bai, mali ngu na lamu kasa gaw shi a gawm hpe jan hta ru bun dat wu ai. Shaloi jan gaw masha ni hpe ja la ai kang kahtet ai hte hkru jahkat kau na ahkang lu la wu ai.

SHINGRAN 8:3

Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.