SHINGRAN 14:17 - Jinghpaw Common Language Bible 2009

¹⁷ Dai hpang lamu kasa kaga langai mi gaw, sumsing lamu na nawku htingnu kata de nna pru wa ai hpe ngai mu nngai. Shi mung dai ai nhkyau langai mi lang da wu ai.

Jinghpaw Hanson Version Bible

¹⁷ Bai, sumsing lamu na nawku Htingnu kaw nna lamu kasa kaga pru wa ai; shi mung dai ai nhkyau lang da wu ai.

SHINGRAN 14:17 ပူးပေါင်းရင်းမြစ်များ

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 14:16

Dai rai nna sumwi ntsa e dung nga ai wa gaw, ga ntsa de shi a nhkyau ningwat dat wu ai rai nna, mungkan ga na mam gaw dan ngut mat nga ai.

SHINGRAN 14:18

Dai hpang, wan hpe up madu ai lamu kasa kaga gaw, tawn hkungri de na pru nna, dai ai nhkyau lang ai lamu kasa hpe, “Na a dai ai nhkyau hpe la nna mungkan ga na sabyi si ni hpe dan la u, sabyi si ni myin nga sai!,” nga nna nsen kaba hte jahtau tsun ai.

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.