SHINGRAN 14:14 - Jinghpaw Common Language Bible 2009

¹⁴ Bai, ngai yu dat yang, sumwi ahpraw langai mi hpe ngai mu nngai. Dai sumwi ntsa e masha hte bung ai wa langai mi dung nga ai; shi a baw hta ja janmau gup nna, shi a lata hta dai ai nhkyau langai mi lang da wu ai.

Jinghpaw Hanson Version Bible

¹⁴ Yu mu, sumwi ahpraw ngai mu nngai; dai sumwi ntsa e masha kasha hte bung ai wa dung nga ai; shi a baw hta aja janmau gup nna, shi a lata hta dai ai nhkyau lang da wu ai.

SHINGRAN 14:14 ပူးပေါင်းရင်းမြစ်များ

SHAKAWN KUNGDAWN 21:3

Nang gaw galu kaba ai chyeju ni hpe gun nna shi kaw sa ndai; shi a baw hta ja janmau nang gup ya nit dai.

SHAKAWN KUNGDAWN 97:2

Sumwi ni hte nsin gaw shi hpe gawan shinggrup da nna; shi gaw tara ai hte ding man ai hku up hkang nga ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

MAHTE 13:30

Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MARKU 4:29

Mam myin jang, nmut ta du sai majaw, shi gaw dai hpe nhkyau hte dan la hpang wu ai, ngu nna tsun mu ai.

LUKA 21:27

Dai shaloi e Masha Kasha gaw, daru magam atsam, hpung shingkang kaba hte nawng, sumwi hta du sa ai hpe shanhte mu na mara ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

SHINGRAN 1:13

dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 11:17

“Ya prat e, htawm hpang prat e dinggrin anga nga ai chyahtum chyalai n-gun rawng ai Madu Karai Kasang e, Nang gaw, na a daru magam atsam hpe lang nna mungkan hpe up hkang nga nit dai majaw, anhte nang hpe chyeju shakawn ga ai law!

SHINGRAN 19:12

Shi a myi ni gaw wan shinglet zawn tu nga ai. Shi a baw hta janmau law law gup da nga ai. Shi hta lai nna kadai mung n chye ya lu ai mying shi a ntsa e ka kap da nga ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 6:2

Ngai yu dat yang, gumra ahpraw langai mi hpe ngai mu nngai. Dai hta jawn ai wa gaw ndan langai mi lang nga ai; shi hpe janmau langai mi shagup ya wu ai rai nna, shi gaw awng padang lu ai wa rai nga ai hte maren, padang dip la na matu ninglaw pru sa wa ai.