SHINGRAN 14:10 - Jinghpaw Common Language Bible 2009

¹⁰ Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.

Jinghpaw Hanson Version Bible

¹⁰ Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai:

SHINGRAN 14:10 ပူးပေါင်းရင်းမြစ်များ

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

YOBA 18:15

Ya chyawm gaw shanhte a sum hta kadai mung mai shanu nga ai; dai de n kap hkra u ga, kan hpe gat ayai da nga ai.

YOBA 21:20

Yubak galaw ai ni gaw shanhte a ari hkam la mu ga; Chyahtum Chyalai N-gun Rawng Ai Karai Kasang a pawt sindawng ai hpe hkam sha shangun u ga.

SHAKAWN KUNGDAWN 11:6

Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

SHAKAWN KUNGDAWN 37:34

Madu hta myit mada nga nna shi a hkang da ai ga ni hpe madat mara u; shi nang hpe lamu ga jaw ya nna, nang hpe shagrau sha-a na ra ai. Tara n lang ai ni gawt shapraw kau hkrum ai hpe nang mu lu na ra ai.

SHAKAWN KUNGDAWN 52:6

Ding hpring ai masha ni dai lam hpe mu nna hkrit wa na mara ai; shaloi shanhte nang hpe mani ashu let, tsun ai gaw,

SHAKAWN KUNGDAWN 60:3

Nang gaw na a amyu masha ni hpe nni nkri laja lana hkam sha shangun nit dai; anhte gaw chyaru nang ai ni zawn, ndi nda kayin hkawm nga ga ai.

SHAKAWN KUNGDAWN 73:10

Shing rai, Karai Kasang a amyu masha ni nan shanhte kaw kayin bang mat wa nna; shanhte tsun ai hpa lam hpe rai tim ra sharawng ai myit hte kam nga ma ai.

SHAKAWN KUNGDAWN 75:8

Dai Madu gaw shi a masin kahtet ai ngu ai nsa ja ai sabyi ntsin hte hpring nga ai gawm hpe shi a lata hta lang da nga ai. Dai ntsin hpe shi ru dat ai hte tara n lang ai ni yawng hte gaw dai hpe lu nga ma ai; shanhte gaw kahte mi pyi n ngam mat hkra lu kau nga ma ai.

SHAKAWN KUNGDAWN 91:8

Tara n lang ai ni, kaning rai ari hkrum sha nga ma ai hpe nang mu mada lu na ra ai.

ESAIA 29:9

Matut nna myit n su nga mu! Matut nna myi di nga mu! Sabyi n lu ti mung nang nga mu! Chyaru kahte mi n lu tim ndi nda rai nga mu!

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 34:9

Edom mung na hka nu ni gaw katara zawn hkat mat nna ga sau gaw kan gale mat wa na ra ai. Mungdan ting gaw katara zawn hkru mat na ra ai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

YEREMIA 25:27

Dai hpang, dai Madu gaw ngai hpe, “Chyahtum Chyalai N-gun Rawng ai dai Madu Israela a Karai Kasang ngai nan shanhte hpang de shangun dat ai hpyen majan a majaw shanhte lu nang, madawn ai hte kataw mat nna n lu sharai rawt mat hkra dai ntsin lu na matu ngai hkang da ni ai lam shanhte hpe tsun u.

YEREMIA 49:12

“Ari hkrum sha na n ging ai masha ni pyi, dai ari gawm hpe lu nga ma ai rai yang, nang gaw ari kaw nna lawt lu na re ngu, myit nawn da wu ni? N rai law, nang gaw dai gawm kaw na lu lu na rai ndai!

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

SHARUNG SHAYAWT 4:21

Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

EZEKELA 20:48

Dai Madu ngai nan dai wan hpe shachyi ai hte dai wan hpe kadai mung n sat shangap lu ai lam, shanhte yawng mu lu na mara ai,” ngu nna shi tsun wu ai.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

HABAKU 2:16

Nanhte gaw arawng sadang a malai kaya kahpa hte bai htinggrum da hkrum na marin dai. Nanhte nan lu nang nna ndi nda rai wa na myit dai. Dai Madu gaw nanhte hpe ari gawm lu shangun nna nanhte a arawng sadang sari jahpoi kau hkrum na rai myit dai.

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a pawt sindawng kahtet ai hte hpring chyat re ai ja gawm sanit, dai lamu kasa sanit hte hpe jaw mu ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.

SHINGRAN 18:6

Shi nanhte hpe di ai hte maren shi hpe bai di htang mu; shi galaw ai lam yawng mayawng hte maren, htam lahkawng bai htang mu; nanhte a matu gawm hta shi kayau lajang ya ai luhpa hta htam lahkawng ja ai hku jahpring ya mu.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 20:10

Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.