SHINGRAN 13:2 - Jinghpaw Common Language Bible 2009

² Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

Jinghpaw Hanson Version Bible

² Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.

SHINGRAN 13:2 ပူးပေါင်းရင်းမြစ်များ

2 HKAWHKAM 2:24

Shi gaw nhtang kayin yu let shanhte hpe mada azi yu nna, dai Madu a mying ningsang hta shanhte hpe dagam kau wu ai. Dai hpang tsap yi lahkawng maling de nna pru wa nhtawm lasha ma mali shi lahkawng hte hpe ashep ashin di amya je da nga ai.

SHAKAWN KUNGDAWN 22:21

Ndai hkanghkyi ni kaw na ngai hpe mawai la e; ndai matse labye usu ni a man e, ngai gaw karum la masha n nga ai hte garen gari hkrum nga nngai.

GA SHAGAWP 17:12

Angawk ai magam bungli hpe galaw nga ai masha angawk langai mi hte hkrum na hta, kasha shamat kau ai tsap kanu hte hkrum na gaw grau mai kaja nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

YEREMIA 13:23

Ehtiopi masha gaw shi a hkum hpyi hpe, rawnggawk gaw shi a ateng apang re ai hpe galai kau lu nga a ni? Shanhte galai kau lu ai rai yang, nang hpa n galaw ra nga ndai rai ti mung, n hkru ai amu galaw lu ai wa gaw jaw ai amu galaw na matu sharin la lu nga ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

AMO LAIKA (AMOS) 3:12

Dai Madu gaw, “Sagu rem wa gaw hkanghkyi e sha kau sai sagu lagaw lahkawng shing n rai sagu a na daw mi hpe sha bai gare la lu ai zawn Samari masha ni hta na naw hkrung nga ai nkau mi chyu sha zing hkam ai sut gan hta hkrawn taw nga na mara ai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

HABAKU 1:8

“Shanhte a gumra ni gaw rawng teng ni hta grau laram ma ai, kawsi ai chyahkyawn ni hta grau matse ma ai. Hpyen gumra jawn ai ni sumtsan shara ni kaw na jawn sa ma ai; Shanhte gaw lamyin hte htim amya ai galang ni zawn htim yu wa nga ma ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 12:13

Dai baren numraw gaw shi hpe ga de jahkrat kau hkrum sai lam chye wu jang, shadang sha shangai ai num hpe rim la na matu hkan tam magang sai.

SHINGRAN 12:15

Baren numraw gaw, dai numsha hpe hka hpungla hte shayawng kau lu na matu, shi a n-gup hta na hka hpe hka nu zawn, dai numsha hpang de kawut shalwi dat wu ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:12

Shi gaw shawng na matse labye a ahkang aya yawng mayawng hpe dai matse labye a man e jai lang nna, si na daram re ai nma mai mat ai shawng na matse labye hpe dinghta ga hte dai hta nga ai ni hpe nawku shangun mu ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 16:10

Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.

SHINGRAN 17:12

“Nang mu ai nrung shi gaw, hkawhkam ahkang aya garai n hkam la ai hkawhkam shi rai nga ma ai. Rai ti mung, dai matse labye hte rau hkying hkum mi hpra hkawhkam hku up na ahkang aya jaw da ai hkrum na mara ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.