SHINGRAN 12:8 - Jinghpaw Common Language Bible 2009

⁸ Rai ti mung baren numraw sum mat nna, shi hte shi a ali ama ni gaw sumsing lamu e nga na ahkang n lu mat masai.

Jinghpaw Hanson Version Bible

⁸ shanhte n dang lu ma ai rai nna, sumsing lamu kata e shanhte a matu nga shara naw n nga masalu ai.

SHINGRAN 12:8 ပူးပေါင်းရင်းမြစ်များ

YOBA 20:9

Shanhte nga nga re ai shara kaw na n hkru ai masha ni mat mat na mara ai;

YOBA 8:18

Rai ti mung, dai ni hpe baw kau jang, dai yang e tu nga ai hpe kadai mung chye lu na mara ai n rai.

SHAKAWN KUNGDAWN 129:2

“Ngai naw kaji nga ai aten kaw nna, nye a gumlau hpyen ni ngai hpe mazut ai hku zingri nga ma ti mung, shanhte ngai hpe n dang lu ma ai.

SHAKAWN KUNGDAWN 13:4

“Anhte gaw shi hpe dang kau sagaw ai,” nga nna nye a gumlau hpyen ni hpe hkum lu shangun et; Nye a hkrat sum ai lam shanhte hpe hkum yu kabu shangun et.

SHAKAWN KUNGDAWN 37:10

Tara n lang ai ni gaw kade nna yang, hkoi mat wa na mara ai; nang shanhte hpe tam yu ti mung, shanhte hpe mu tam na n rai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

KASA 1:25

Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,” nga nna akyu hpyi ma ai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 12:7

Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.