SHINGRAN 12:7 - Jinghpaw Common Language Bible 2009

⁷ Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

Jinghpaw Hanson Version Bible

⁷ Bai, sumsing lamu kata e majan gasat nga ai: Mihkaela hte shi a ali ama ni gaw dai baren numraw hte gasat nga ma ai; dai baren numraw hte shi a ali ama ni mung, gasat nga ma ai rai timung,

SHINGRAN 12:7 ပူးပေါင်းရင်းမြစ်များ

SHAKAWN KUNGDAWN 78:49

Shi gaw shi a pawt sindawng ai hpe ru dat nna; Si Du a kasa ni du sa wa ai zawn, tsin-yam tsindam, nchyi nmu re ai ru tsang kaba, shanhte hpe shabyin dat ya wu ai.

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

Daniela 10:13

Persi mungdan hpe makawp maga ya ai dai lamu kasa hkawhkam kasha gaw hkun langai ya tup ngai hpe hkap shingdang da nga ai. Dai hpang lamu kasa ni a agyi Mihkaela gaw Persi mung e ngai chyu sha hti ngam nga ai majaw ngai hpe sa karum la nga ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 26:53

Ngai gaw nye Wa kaw karum hpyi na ahkang lu nna, shi gaw kalang ta lamu kasa dap shi lahkawng n ga hkra, ngai hpang de shangun dat na ra ai hpe nang n chye nga n ni?,” ngu nna shi hpe tsun wu ai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

EHPESU 6:12

Hpa majaw nga yang, anhte shinggyim masha ni hte gasat hkat nga ai n rai; sumsing lamu lahta tang e nga ai n hkru n hkra ai nat luksuk ni hte mung, ndai sin mak ai mungkan hpe up hkang nga ai du ni, ahkang aya lu ai ni hte gasat gala hkat nga ga ai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

YUDA 1:9

Lamu kasa agyi rai nga ai Mihkaela pyi gaw ndai lam n galaw wu ai. Mawshe a moi mang hpe kadai la ang ai ngu ai hte seng nna dai nat hte ga law dangrang hkat ai shaloi, Mihkaela gaw nat hpe mara shagun jahpyak ai ga n tsun wam ai. “Nang hpe Karai Kasang daru sharin shaga u ga!,” nga nna sha tsun ai.

SHINGRAN 12:8

Rai ti mung baren numraw sum mat nna, shi hte shi a ali ama ni gaw sumsing lamu e nga na ahkang n lu mat masai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:7

Shi gaw Karai Kasang a masha ni hpe gasat nna dang kau na ahkang mung, mungdan shagu hta nga ai ga baw amyu shagu shaga ai masha amyu bawsang yawng hte a ntsa e up na ahkang hpe mung jaw da hkrum ai wa rai nga ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.