SHINGRAN 12:6 - Jinghpaw Common Language Bible 2009

⁶ Dai numsha gaw, shi a matu Karai Kasang lajang da ya ai nam mali de hprawng mat wa ai. Dai shara hta nhtoi 1,260 ya du hkra shi hpe bau maka na maru ai.

Jinghpaw Hanson Version Bible

⁶ Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.

SHINGRAN 12:6 ပူးပေါင်းရင်းမြစ်များ

Daniela 12:12

Nhtoi 1,335 lai hkra sadi sahka hte naw nga nga ai ni gaw a lu nga a hka!

MAHTE 4:11

Shaloi jang dai Nat gaw shi kaw na pru mat wa nna, lamu kasa ni du nna shi hpe galaw daw mu ai.

SHINGRAN 12:14

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 13:5

Dai matse labye gaw, shakawng gumrawng ai hte Karai Kasang hpe shatan nhkan ga tsun na mung, shata mali shi lahkawng tup up hkang na ahkang mung lu tawn da wu ai.

SHINGRAN 17:3

Shaloi Wenyi gaw ngai hpe woi nawng mat wa nna, dai lamu kasa gaw, ngai hpe nam mali de woi sa mat wa ai. Dai shara e baw sanit hte nrung shi tu nna Karai Kasang hpe matsa shatan ai mying hkrai pri ka da ai, hkyeng mang ai matse labye a ntsa e dung nga ai numsha langai mi hpe ngai mu nngai.