SHINGRAN 12:5 - Jinghpaw Common Language Bible 2009

⁵ Shaloi dai numsha gaw, masha amyu baw yawng hpe hpri sumdoi hte up na ra ai shadang sha shangai wu ai. Rai ti mung, shi a kasha hpe Karai Kasang a man de mung, shi a tingnyang man de mung, gare shalun la wu ai.

Jinghpaw Hanson Version Bible

⁵ Shaloi dai numsha gaw, amyu baw shagu hpe hpri sumdoi hte up na ra ai shadang lasha shangai wu ai: shi a kasha hpe Karai Kasang a man de mung, shi a tingnyang man de mung, gare shalun la wu ai.

SHINGRAN 12:5 ပူးပေါင်းရင်းမြစ်များ

ESAIA 66:7

“Nye a chyoi pra ai mare gaw shinggyim machyi garai n hkrum yang akajawng sha kasha shangai ai numsha hte bung nga ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

MAHTE 1:25

Rai ti mung, dai shadang sha hpe shangai shaprat ai ten du hkra, shi hte hkum shan hku n kanawn mazum ai sha nga nga ai; dai shadang sha hpe shi Yesu ngu nna shamying wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

2 KORINHTU 12:2

Hkristan la langai mi gaw lai wa sai shi mali ning ten hta tsaw dik ai sumsing lamu de woi shapoi lung mat wa hkrum wu ai ngai chye nngai. (Dai zawn shapoi hkrum ai gaw hkum hkrang hte rai kun? shing n rai hkum hkrang n lawm ai kun? ngai n chye nngai, Karai Kasang sha chye nga ai.)

2 KORINHTU 12:4

Shi gaw dai yang e, shinggyim masha a ga hkum ni hte n mai tsun ai, masha a n-gup hte tsun na ahkang n nga ai ga ni hpe na la wu ai.

SHINGRAN 11:12

Dai hpang myihtoi yan gaw, “Nang de lung wa marit,” nga nna lamu de na shaga ai nsen kaba langai mi na mu ai; shan a hpyen ni sin yu nga yang, sumsing lamu de sumwi jawn nna lung mat wa ma ai.

SHINGRAN 12:13

Dai baren numraw gaw shi hpe ga de jahkrat kau hkrum sai lam chye wu jang, shadang sha shangai ai num hpe rim la na matu hkan tam magang sai.

SHINGRAN 12:2

Shi gaw na-um nasin rai nna, shangai na matu shinggyim machyi ai majaw grai jahtau hkrap nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.