SHINGRAN 12:4 - Jinghpaw Common Language Bible 2009

⁴ Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

Jinghpaw Hanson Version Bible

⁴ Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 12:4 ပူးပေါင်းရင်းမြစ်များ

PRU MAT 1:16

Shi gaw dai yan hpe, “Nan Hebre numsha ni hpe ma shangai karum myit dai shaloi, lasha rai yang dai ma hpe sat kau mu; rai ti mung numsha rai yang chyawm gaw jahkrung da mu,” ngu nna hkang da wu ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 12:7

Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 17:18

“Nang mu ai numsha gaw, mungkan hkawhkam ni hpe up ai mare kaba rai nga ai,” nga nna ngai hpe tsun ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.

SHINGRAN 8:10

Bai, masum ngu na lamu kasa gaw shi a pahtau dum dat wu ai: Shaloi, shanan zawn tu grung nga ai shagan kaba langai mi lamu de na di hkrat wa nna, hka nu ni htam masum na htam mi hte hka hpawk hka npun ni a ntsa e hkrat taw nga ai.

SHINGRAN 8:11

(Dai shagan a mying gaw, “Hka ai” ngu ai rai nga ai; hka htam masum hta na htam mi hka mat ai rai nna, dai hka ai hka lu ai masha ni law law wa si mat wa ma ai.

SHINGRAN 8:12

Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

SHINGRAN 8:8

Bai, lahkawng ngu na lamu kasa gaw shi a pahtau dum dat wu ai. Shaloi, wan hkru grung nga ai zawn san ai bum kaba langai mi hpe panglai de jahkrat dat wu ai. Dai rai nna panglai htam masum hta na htam mi, asai tai mat wa ai.

SHINGRAN 8:9

Panglai na hkrung ai baw ni htam masum na htam mi mung si mat wa ma ai; sanghpaw li ni mung, htam masum na htam mi grawp mat wa ma ai.

SHINGRAN 9:10

Shanhte gaw n-gaw-gawk a nmai hte palen zawn re ai tu nga malu ai rai nna, dai shanhte a nmai ni hte masha ni hpe shata manga tup zingri na ahkang lu ma ai.

SHINGRAN 9:19

Hpa majaw nga yang, dai gumra ni a atsam gaw, shanhte a n-gup ni hte shanhte a nmai hta rawng nga malu ai. Shanhte a nmai ni gaw lapu hte bung nna baw ni tu nga malu ai rai nna, dai hte masha ni hpe achye ma ai.