SHINGRAN 12:12 - Jinghpaw Common Language Bible 2009

¹² Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

Jinghpaw Hanson Version Bible

¹² Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.

SHINGRAN 12:12 ပူးပေါင်းရင်းမြစ်များ

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

HEBRE 10:37

Hpa majaw nga yang, Chyum Laika hta, “Loi hkring mi rai jang du sa na ra ai wa gaw, aten jahkring mi laman du sa na ra ai, shi hkring shana chyai nga na n rai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 11:14

Lahkawng ngu na dingnye gaw lai mat wa sai, rai ti mung masum ngu na dingnye gaw alawan du na ra ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:6

Shi gaw Karai Kasang hte Madu a mying nsang hpe mung, Karai Kasang shanu nga ai sumsing lamu hpe mung, sumsing lamu kata e shanu nga ai ni yawng hpe mung shatan nhkan nga ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.

SHINGRAN 9:12

Shawng na dingnye gaw lai mat wa sai, nde a hpang e dingnye amyu lahkawng naw du na ra ai.