SHINGRAN 12:10 - Jinghpaw Common Language Bible 2009

¹⁰ Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

Jinghpaw Hanson Version Bible

¹⁰ Shaloi sumsing lamu kata na nsen kaba gaw, Ya gaw anhte a Karai Kasang a hkye hkrang la ai lam, hpung shingkang hte mungdan mung, shi a Hkristu a ahkang aya mung, rai wa sai: kaning rai nme law, anhte a Karai Kasang a man e, anhte a hpunau ni hpe shani shana mara shagun ai, jahte tam wa gaw, jahkrat kau ai hkrum nu ai.

SHINGRAN 12:10 ပူးပေါင်းရင်းမြစ်များ

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 1:9

Satan gaw, “Shi hpa n lu la ai rai yang, Yoba gaw nang hpe nawku na wu ni?

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

SHAKAWN KUNGDAWN 22:28

Madu gaw hkawhkam rai nga ai, amyu baw shagu hte hpe shi up hkang nga ai.

SHAKAWN KUNGDAWN 45:6

Karai Kasang nang hpe jaw ya nit dai mungdan gaw htani htana prat dingsa agrin nga na ra ai. Nang gaw na a amyu masha ni hpe teng man ai tara hte up hkang na ra ai rai nna,

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MAHTE 6:10

Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

LUKA 11:2

Yesu gaw shanhte hpe, “Nanhte akyu hpyi yang ning ngu mu: ‘Wa e: Na a mying nsang chyoi pra nga lit ga; na a mungdan du wa ru ga.

LUKA 22:31

“Simun, Simun! Madat yu u! Nanhte hpe kaja ai hte n kaja ai garan ginhka na matu hkauna galaw ai wa gaw hkaulan mam hpe numhkaw hte mam gu hking ginhka ai zawn, nanhte yawng mayawng hpe jep sagawn na matu Satan wa gaw ahkang lu da nu ai.

1 KORINHTU 5:4

Anhte a Madu Yesu a mying nsang hta nanhte hpawng de nga myit dai shaloi e nye a wenyi nanhte hte rau rai nga ai, anhte a Madu Yesu Hkristu a n-gun atsam mung nanhte hta nga nga ai.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 2:26

Awng padang lu nna jahtum du hkra ngai ra sharawng ai arawn alai lam hkan nang ai ni hpe, nye Wa kaw na ngai lu ai ahkang aya hpe nan jaw ya na mawe ai.

SHINGRAN 7:10

Shanhte gaw nsen kaba hte, “Hkye hkrang la ai lam gaw, tingnyang hta dung nga ai anhte a Karai Kasang hte Sagu Kasha kaw na rai nga ai law!,” nga nna jahtau ma ai.