SHINGRAN 11:8 - Jinghpaw Common Language Bible 2009

⁸ Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.

Jinghpaw Hanson Version Bible

⁸ Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 11:8 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 26:23

Shanhte gaw shi hpe sa woi la nhtawm Hkawhkam Yehoiakim hpang de woi wa ma ai. Hkawhkam wa gaw shi hpe sat kau nna, shi a moi mang hpe shawa lup wa hta sa kabai kau ma ai.)

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

EZEKELA 23:19

Shi gaw shawng de hkawn ram prat e Egutu mung hta shawa num naw tai nga yang na hta grau nna sawng ai shawa num tai wu nu ai.

EZEKELA 23:27

Ngai gaw nang Egutu mung hta naw nga nga yang, shut hpyit kau sai nse nsa matsat shabat re ai amu ni hte na a ngang gayut ai shawa num hking hpe ngai jahkring kau ya na we ai. Nang mung hpara sumla ni hpe loi mi mung mada yu na rin dai n rai, Egutu mung a lam hpe mung myit sana ndai n rai.”

EZEKELA 23:3

Shan gaw hkawn ram prat e, Egutu mung hta shanu nga ma ai, shaloi shan a hkawn jet ai maka gaw hten mat ai hte shawa num tai wa masai.

EZEKELA 23:8

Shi gaw shi a hkawn jet ai hpe jahten kau nna Egutu mung e shawa num amu galaw hpang ai hte matut galaw nga wu ai. Shi a hkawn ram prat kaw nna lasha ni shi hte rau yup nna shi hpe shawa num zawn di ma ai.

EZEKELA 37:11

Karai Kasang gaw ngai hpe, “Si chye ai masha wa e, Israela amyu masha ni gaw ndai nrut nra ni zawn rai ma ai. Shanhte gaw hkraw mat saga ai, myit mada shara hpa mung n nga mat sai, du na ra ai aten mung n nga sai, nga nna shanhte tsun nga ma ai.

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

MAHTE 10:15

Ngai nanhte hpe teng teng tsun made ai gaw, tara dara ai nhtoi hta e dai mare masha ni gaw Sodom hte Gomora mare hta grau nna yubak ari hkrum sha na mara ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.

HEBRE 6:6

Shing re ai hpang she, ya shanhte gaw shanhte a makam masham hpe kau da manu ai. Shanhte gaw Karai Kasang a Kasha hpe wudang hta kalang mi bai jen da nna, shawa masha ni a man e n gawn n sawn di kaya jahkrum da nga ma ai majaw, shanhte hpe myit malai bai lu shangun na matu gara hku mung n mai byin mat sai.

2 PETRU 2:6

Karai Kasang gaw Sodom hte Gomora mare yan hpe mung wan hte jahten shabya kau nna tara n hkan ai ni hta kaning rai wa na ra ai lam kasi langai mi galaw da nu ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 11:9

Shaloi amyu mungdan shagu hta na amyu lakung ni, ga amyu myu shaga ai ni, amyu bawsang ni gaw, shan a moi mang hpe lup makoi na ahkang n jaw ai sha masum ya e chyingdaw mi tup sa hpu yu nga na mara ai.

SHINGRAN 14:20

Sabyi si ni hpe mare shinggan e sabyi htumbyen hta kabye shup nna, dai hta na sai lwi pru wa ai gaw, galu de mai lahkawng tsa, sung de pe manga daram ganoi rai nga ai.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 17:18

“Nang mu ai numsha gaw, mungkan hkawhkam ni hpe up ai mare kaba rai nga ai,” nga nna ngai hpe tsun ai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.

SHINGRAN 18:18

dai mare hpe hkru kau ai wan shinglet kaw na wan hkut hpe mu yang, shanhte gaw, “Galoi mung ndai mare daram galu kaba hkik hkam ai mare kaga mi n nga yu sai!,” nga nna jahtau ma ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.

SHINGRAN 18:24

Babelon mare ari hkrum ai lam gaw, myihtoi ni a asai, Karai Kasang a amyu masha ni a asai hte, rai sa, ga ntsa e sat kau hkrum mahkrum ni a asai dai mare hta mu hkrup lu sai majaw rai nga ai, nga nna tsun ai.