SHINGRAN 11:7 - Jinghpaw Common Language Bible 2009

⁷ Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

Jinghpaw Hanson Version Bible

⁷ Shan lahkawng tinang a sakse ga hkam ngut jang, sung htum ai shara de na lung wa ai matse labye gaw, shan hpe gasat nna dang kau na hte, shan hpe sat kau na ra ai.

SHINGRAN 11:7 ပူးပေါင်းရင်းမြစ်များ

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

LUKA 13:32

Yesu gaw, “Dai chyahkyawn hpe ning ngu wa tsun mu, ‘Dai ni hte hpawt ni na nhtoi ni hta ngai nat ni hpe shaden kau nna, machyi makaw shamai ya na rai nga nngai; masum ya nhtoi du jang, nye a amu ngut na, rai nga ai.’

LUKA 8:31

Nat ni mung, shanhte hpe sung htum ai shara de n gawt bang kau na shi kaw hpyi ma ai.

YAWHAN 17:4

Ga ntsa e ngai gaw na a hpung shingkang shapraw ya ni ai; ngai gun hpai na matu nang ngai hpe ap ya ai amu hpe gun hpai ngut se ai.

YAWHAN 19:30

Yesu gaw dai ntsin hkri hkap la lu ngut jang, “Ngut ma sali ai!,” nga nhtawm, baw nga di nna nsa hti mat wa ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

SHINGRAN 13:11

Dai hpang ga kata de na pru lung wa ai matse labye kaga langai mi hpe ngai mu nngai. Shi hta Sagu Kasha a nrung hte bung ai nrung lahkawng tu nna, baren numraw zawn ga shaga ai.

SHINGRAN 13:7

Shi gaw Karai Kasang a masha ni hpe gasat nna dang kau na ahkang mung, mungdan shagu hta nga ai ga baw amyu shagu shaga ai masha amyu bawsang yawng hte a ntsa e up na ahkang hpe mung jaw da hkrum ai wa rai nga ai.