SHINGRAN 11:6 - Jinghpaw Common Language Bible 2009

⁶ Shan gaw dai Karai Kasang a mungga htawn tsun myihtoi htoi ai nhtoi hte hta, marang n htu lu u ga, lamu hpe pat kau na ahkang lu ma ai; hka hpe sai shatai kau na ahkang mung, shan gaw tinang ra ai ten shagu hta mungkan ga hpe ana zinli amyu shagu hte tsin-yam dat na ahkang mung lu ma ai.

Jinghpaw Hanson Version Bible

⁶ Shan a myihtoi htoi ai nhtoi hte hta marang n htu lu u ga, lamu hpe pat kau na ahkang shan lu ma ai; hka nu ni hte hka htung ni hpe sai shatai na hte, galoi galaw mayu yang, shan gaw ga ntsa hpe ana ahkya amyu myu hte tsin-yam dat na ahkang mung, lu ma ai.

SHINGRAN 11:6 ပူးပေါင်းရင်းမြစ်များ

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

LUKA 4:25

“Ngai tsun ai ga madat yu mu, Elia a prat e, masum ning e shata kru tup marang n htu jan gri nna, dai mung ting hta grai sawng ai hku wa kaba byin wa yang, Israela amyu hta gaida law law nga ma ai:

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

SHINGRAN 16:3

Dai hpang lahkawng ngu na lamu kasa gaw, shi a pawt sindawng kahtet ngu ai gawm hpe panglai ntsa e ru bun dat wu ai. Dai shaloi panglai hka gaw masha jasi a sai zawn tai wa nna, panglai hta rawng ai nsoi nsa hkrung mahkrung hte gaw si mat ma ai.

SHINGRAN 16:4

Bai, masum ngu na lamu kasa gaw, shi a pawt sindawng kahtet ai gawm hpe hka nu ni hte hka hpawk ni hta ru bun dat wu ai: dai shaloi sai tai mat ai.

SHINGRAN 8:8

Bai, lahkawng ngu na lamu kasa gaw shi a pahtau dum dat wu ai. Shaloi, wan hkru grung nga ai zawn san ai bum kaba langai mi hpe panglai de jahkrat dat wu ai. Dai rai nna panglai htam masum hta na htam mi, asai tai mat wa ai.

1 SAMUELA 4:8

Ndai daru magam n-gun rawng ai hpara ni a lata kaw na kadai wa anhte hpe hkye la lu na rai nga a ta? Dai hpara ni gaw nam mali hkan e Egutu masha ni hpe sat sharu kau ai hpara ni rai nga ma ai!