SHINGRAN 11:5 - Jinghpaw Common Language Bible 2009

⁵ Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.

Jinghpaw Hanson Version Bible

⁵ Masha langai ngai shan hpe zingri mayu yang, shan a n-gup hta na wan pru nna, hpyen ni hpe hkru kau na mu ai; marai langai ngai mung shan hpe zingri mayu yang, shing re ai hte sat kau ai shi hkrum lu na ra ai.

SHINGRAN 11:5 ပူးပေါင်းရင်းမြစ်များ

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

SHINGRAN 13:13

Dai lahkawng ngu na matse labye gaw, mauhpa lamik kumla kaba ni hpe madun dan nga ai. Masha law law a man e lamu de nna ga ntsa de wan jahkrat dat shangun nga ai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.